NASA Artemis-2 Launch : 54 વર્ષ બાદ ફરી 4 માનવી ચંદ્રની સફરે, આર્ટેમિસ-2 મિશન સફળતાપૂર્વક લોન્ચ
NASA Artemis-2 Mission : નાસાએ આજે 2 એપ્રિલના રોજ 'આર્ટેમિસ-2'મિશન સફળતાપૂર્વક લોન્ચ કર્યું છે. પૂરા 54 વર્ષ બાદ 4 અંતરિક્ષ યાત્રીઓ ચંદ્રની સફરે રવાના થયા છે. આ 10 દિવસીય મિશનમાં ઓરિયન સ્પેસક્રાફ્ટની ક્ષમતા ચકાસવામાં આવશે. લોન્ચિંગ પહેલા આવેલી ટેકનિકલ ખામીને એન્જિનિયરોએ સમયસર સુધારી લીધી હતી, જે હવે 2028 માં માનવીને ચંદ્ર પર ઉતારવાનો માર્ગ મોકળો કરશે.
Advertisement
- NASA Artemis-2 Mission સફળતાપૂર્વક લોન્ચ
- 54 વર્ષ બાદ ફરી માનવી ચંદ્રની સફરે રવાના
- 4 અંતરિક્ષ યાત્રીઓ ચંદ્રની સફર કરી 10 દિવસે પરત ફરશે
- લોન્ચિંગના 1 કલાક પહેલા સર્જાઈ હતી ટેકનિકલ ખામી
- ફ્લોરિડાના કેનેડી સ્પેસ સેન્ટરથી SLS રોકેટનું ઉડાન
NASA Artemis-2 Mission : અમેરિકાની સ્પેસ એજન્સી નાસા (NASA) એ આજે 2 એપ્રિલ, ગુરુવારના રોજ પોતાનું મહત્વાકાંક્ષી મૂન મિશન આર્ટેમિસ-2 (Artemis-2 Mission) સફળતાપૂર્વક લોન્ચ કર્યું છે. ફ્લોરિડાના કેનેડી સ્પેસ સેન્ટર (Kennedy Space Center) ખાતેથી વહેલી સવારે 4:05 વાગ્યે 'સ્પેસ લોન્ચ સિસ્ટમ' (SLS) રોકેટ દ્વારા ઓરિયન સ્પેસક્રાફ્ટને ચંદ્ર તરફ રવાના કરવામાં આવ્યું હતું. આ મિશનમાં 4 અંતરિક્ષ યાત્રીઓ રીડ વાઈસમેન, વિક્ટર ગ્લોવર, ક્રિસ્ટીના કોચ અને જેરેમી હેનસેન અવકાશમાં ગયા છે, જેઓ 10 દિવસ સુધી ચંદ્રની આસપાસ ચક્કર લગાવીને પૃથ્વી પર પરત ફરશે.