242 કિમીની ટોપ સ્પીડ અને અંદર રેફ્રિજરેટર! ભારતમાં લોન્ચ થઈ Range Rover ની આ પાવરફુલ SUV
- Range Rover Sport Autobiography થઈ લોન્ચ
- ભારતમાં એસેમ્બલ થવાથી કિંમતમાં થયો મોટો ફાયદો
- રૂ. 1.60 કરોડની એક્સ-શોરૂમ કિંમતે બુકિંગ શરૂ
- 22-ઇંચના એલોય વ્હીલ્સ અને લક્ઝરી ઇન્ટિરિયર
- માત્ર 5.5 સેકન્ડમાં પકડશે 100 કિમીની રફ્તાર
Range Rover Sport Autobiography : ભારત લક્ઝરી કારના મેન્યુફેક્ચરિંગ હબ તરીકે ઉભરી રહ્યું છે, ત્યારે જેએલઆર (JLR) એ તેની પ્રીમિયમ કાર રેન્જ રોવર સ્પોર્ટ ઓટોબાયોગ્રાફી (Range Rover Sport Autobiography) ને સ્થાનિક સ્તરે એસેમ્બલ કરીને બજારમાં ઉતારી છે. આ પહેલીવાર છે જ્યારે કંપની આ હાઈ-એન્ડ ટ્રિમનું પ્રોડક્શન ભારતમાં કરી રહી છે, જેના કારણે તેના ભાવમાં પણ મોટો ફેરફાર જોવા મળ્યો છે.
ડિઝાઇન અને આકર્ષક દેખાવ
નવી લોન્ચ થયેલી આ કારમાં 22-ઇંચના ફોર્જ્ડ એલોય વ્હીલ્સ (Alloy Wheels) આપવામાં આવ્યા છે, જે સ્ટેન બ્લેક ફિનિશ સાથે આવે છે. લૂકને વધુ સ્પોર્ટી બનાવવા માટે તેમાં રેડ બ્રેક કેલિપર્સ અને ઓટોબાયોગ્રાફીની સ્પેશિયલ બેજિંગ આપવામાં આવી છે. આ ઉપરાંત, કારમાં ફ્લશ ડોર હેન્ડલ્સ અને મેમરી ફંક્શન સાથે પાવર ફોલ્ડિંગ મિરર્સ જેવી આધુનિક સુવિધાઓ પણ ઉપલબ્ધ છે.
પ્રીમિયમ ઇન્ટિરિયર અને એન્જિન
કારના કેબિનમાં 22-રીતે એડજસ્ટ થઈ શકે તેવી ફ્રન્ટ સીટ્સ, લેધર અપહોલ્સ્ટ્રી (Leather Upholstery) અને એમ્બિયન્ટ લાઈટિંગ જેવી લક્ઝરી સુવિધાઓ મળે છે. એન્જિનની વાત કરીએ તો, તેમાં 3.0-લિટર પેટ્રોલ અને ડીઝલ એન્જિનના વિકલ્પો મળે છે. ડીઝલ એન્જિન 351 HP પાવર જનરેટ કરે છે અને માત્ર 5.8 સેકન્ડમાં 0 થી 100 કિમીની ઝડપ પકડી શકે છે. જ્યારે પેટ્રોલ વેરિઅન્ટ માત્ર 5.5 સેકન્ડમાં આ સ્પીડ પકડવાની ક્ષમતા ધરાવે છે.
આ પણ વાંચો : TRAI Rule: 90 દિવસમાં તમારો મોબાઈલ નંબર થઈ શકે છે ગાયબ! જાણો બચવાની રીત