Royal Enfield Hunter 350 : સસ્તી અને સ્ટાઇલિશ! શું હન્ટર 350 ખરેખર બેસ્ટ 350cc બાઇક છે?
- Royal Enfield Hunter 350 એ વેચાણમાં મચાવી ધૂમ
- બાઇકના વેચાણમાં વાર્ષિક 50 ટકાનો તોતિંગ ઉછાળો
- ડિસેમ્બરમાં 20 હજારથી વધુ ગ્રાહકોએ બાઇક ખરીદી
- રોયલ એનફિલ્ડની સૌથી સસ્તી બાઇક હોવાથી વધી માંગ
- 349cc ના દમદાર એન્જિન સાથે આધુનિક ફીચર્સ લોકપ્રિય
Royal Enfield Hunter 350 : રોયલ એનફિલ્ડ (Royal Enfield) ની સૌથી લોકપ્રિય બાઇક્સમાંની એક 'હન્ટર 350' (Hunter 350) એ ભારતીય બજારમાં ધૂમ મચાવી દીધી છે. તાજેતરના આંકડા મુજબ, કંપનીએ આ મોડલના વેચાણમાં વાર્ષિક ધોરણે 50 ટકાનો જંગી ઉછાળો નોંધાવ્યો છે. ડિસેમ્બર 2024 માં જ્યાં 13,744 યુનિટ્સ વેચાયા હતા, તેની સામે ડિસેમ્બર 2025 માં 20,654 નવા ગ્રાહકોએ આ બાઇકની સવારી પસંદ કરી છે. ખાસ કરીને યુવા વર્ગમાં આ બાઇકનો ક્રેઝ સતત વધી રહ્યો છે.
રોયલ એનફિલ્ડ હન્ટર 350 ની કિંમત
કિંમતની દ્રષ્ટિએ જોઈએ તો, હન્ટર 350 (Hunter 350) રોયલ એનફિલ્ડની સૌથી સસ્તી બાઇક છે. તેની એક્સ-શોરૂમ કિંમત (Ex-showroom Price) ₹1.37 લાખથી શરૂ થાય છે અને ટોપ વેરિઅન્ટ માટે ₹1.67 લાખ સુધી જાય છે. ઓછી કિંમત અને પ્રીમિયમ લુકને કારણે તે સિટી રાઇડર્સ માટે પહેલી પસંદ બની રહી છે.
Royal Enfield India
શક્તિશાળી એન્જિન અને માઇલેજ
આ બાઇકમાં 349cc નું સિંગલ સિલિન્ડર, એર-ઓઇલ કૂલ્ડ એન્જિન (Air-Oil Cooled Engine) આપવામાં આવ્યું છે. જે 20.2 bhp નો પાવર અને 27 Nm નો ટોર્ક જનરેટ કરે છે. 5-સ્પીડ ગિયરબોક્સ (5-Speed Gearbox) સાથે તે સ્મૂધ ડ્રાઇવિંગ અનુભવ આપે છે. કંપનીના દાવા મુજબ, આ બાઇક પ્રતિ લિટર 35 થી 40 કિમીની માઇલેજ (Mileage) આપવા સક્ષમ છે. તેની ટોપ સ્પીડ 114-120 કિમી પ્રતિ કલાકની આસપાસ છે.
શ્રેષ્ઠ હેન્ડલિંગ અને આધુનિક ફીચર્સ
હન્ટર 350 નું વજન માત્ર 181 કિલોગ્રામ છે, જે તેને અન્ય RE બાઇક્સ કરતા હળવી બનાવે છે. તેમાં 17-ઇંચના એલોય વ્હીલ્સ (Alloy Wheels), ટ્યુબલેસ ટાયર અને ડ્યુઅલ ચેનલ ABS (Dual Channel ABS) જેવી સુવિધાઓ છે. આ સિવાય ડિજિટલ-એનાલોગ ઇન્સ્ટ્રુમેન્ટ ક્લસ્ટર અને ટ્રિપર નેવિગેશન (Tripper Navigation) તેને વધુ આધુનિક બનાવે છે.
આ પણ વાંચો : શું તમે પણ મોંઘી દવાઓ ખરીદો છો? આ સરકારી એપ બચાવશે તમારા હજારો રૂપિયા