Diesel કારની માઈલેજ અને લાઈફ બંને વધારશે આ સરળ ટિપ્સ , આજે જ અનુસરો

• ડીઝલ એન્જિનવાળી કારની સંભાળ માટે ટિપ્સ
• ડીઝલ એન્જીન કારની રનિંગ કોસ્ટ પેટ્રોલ કાર કરતા સસ્તી
• ડીઝલ એન્જિન કારને વધુ કાળજીની જરૂર
• કૂલન્ટનું કામ એન્જિનને ઠંડુ રાખવાનું
• ઓઈલ બદલવાની સાથે ઓઈલનું ફિલ્ટર પણ બદલવું

જો ડીઝલ કારની સમયસર સર્વિસ કરવામાં ન આવે તો તે તમારા ખિસ્સા પર ભારે પડી શકે છે અને તે ઘણું પ્રદૂષણ પણ કરે છે. અહીં અમે તમને ડીઝલ એન્જિનવાળી કારની વધુ સારી સંભાળ રાખવા માટે કેટલીક ટિપ્સ આપવા જઈ રહ્યા છીએ. જેને તમે ફોલો કરી શકો છો.

ડીઝલ એન્જિનવાળી કારની સંભાળ માટે કેટલીક ટિપ્સ

Diesel Engine Car Care Tips: એક તરફ ડીઝલ એન્જીન કારની રનિંગ કોસ્ટ પેટ્રોલ કાર કરતા સસ્તી છે. પરંતુ ડીઝલ એન્જિન કારને વધુ કાળજીની જરૂર હોય છે કારણ કે ડીઝલ એન્જિન વધુ શક્તિશાળી હોય છે. પેટ્રોલ એન્જિન કારની સરખામણીમાં તે થોડી મોંઘી પણ છે, પરંતુ માઈલેજ ખૂબ જ સારું છે જેના કારણે લોકો ડીઝલ કાર ખરીદવાનું પસંદ કરે છે. પરંતુ એ પણ ધ્યાનમાં રાખવું જોઈએ કે જો ડીઝલ કારની સમયસર સર્વિસ કરવામાં ન આવે તો તે તમારા ખિસ્સા પર ભારે પડી શકે છે અને ઘણું પ્રદૂષણ પણ કરે છે. અહીં અમે તમને ડીઝલ એન્જિનવાળી કારની વધુ સારી સંભાળ માટે કેટલીક ટિપ્સ આપવા જઈ રહ્યા છીએ. જેને તમે ફોલો કરી શકો છો.

એર ફિલ્ટર સફાઈ

જો એર ફિલ્ટરને સમયસર સાફ કરવામાં ન આવે તો તેનાથી એન્જિનને ઘણું નુકસાન થાય છે અને માઈલેજમાં પણ ઘટાડો થાય છે. એર ફિલ્ટરનો ઉપયોગ ઈન્ટરનલ કમ્બશન એન્જિનવાળી તમામ કારમાં થાય છે અને આ ફિલ્ટર એન્જિનની સુરક્ષા માટે પણ ખૂબ જ મહત્વપૂર્ણ છે. તેથી, સમય સમય પર તેને સાફ કરવું જરૂરી છે. જ્યારે તે ખૂબ ગંદુ થઈ જાય છે, ત્યારે એન્જિનનું પ્રદર્શન બગડવા લાગે છે.

કૂલન્ટ બદલો

ડીઝલ એન્જિન કાર પેટ્રોલ એન્જિન કાર કરતાં વધુ ઝડપથી ગરમ થાય છે. તેથી, ડીઝલ એન્જિન કારમાં કૂલન્ટનું પ્રમાણ સમય સમય પર તપાસવું જોઈએ. જો કૂલન્ટનું પ્રમાણ ઓછું થઈ જાય, તો ટોપ અપ કરો, જેથી એન્જિન વધુ ગરમ થવાથી બચી જાય અને તમારી કાર વધુ સારુ પરફોર્મન્સ કરે. તમને જણાવી દઈએ કે, કૂલન્ટનું કામ એન્જિનને ઠંડુ રાખવાનું છે.

બળતણ ફિલ્ટર

ડીઝલ એન્જિનને સાફ કરવા માટે ફ્યુઅલ ફિલ્ટર ઇન્સ્ટોલ કરેલું છે. જો તમે એવી જગ્યાએ ખૂબ વાહન ચલાવો છો જ્યાં ધૂળ અને ગંદકી હોય, તો સમયાંતરે વાહનમાં લગાવેલા ફ્યુઅલ ફિલ્ટરને ચેક કરતા રહેવું જરૂરી છે. જો આને અવગણવામાં આવે તો કચરો એન્જિન સુધી પહોંચી શકે છે, જેના કારણે એન્જિનમાં સમસ્યા આવી શકે છે.

એન્જિન ઓઇલ

ડીઝલ કારમાં, એન્જિન ઓઇલ દર 5,000 થી 7,500 કિલોમીટરે બદલવું જોઈએ. જો કારમાં સિન્થેટીક એન્જિન ઓઈલ હોય તો તેને 10,000 થી 15,000 કિલોમીટરની વચ્ચે બદલવુ જોઈએ. પરંતુ જો ઓઈલ સમય પહેલા ઓછું થઈ ગયું હોય અથવા કાળું થઈ ગયું હોય, તો તમે ટોપ-અપ પણ કરાવી શકો છો. એ પણ ધ્યાનમાં રાખો કે, ઓઈલ બદલવાની સાથે ઓઈલનું ફિલ્ટર પણ બદલવું જોઈએ.

આ પણ વાંચો:  UPI સંબંધિત નવો નિયમ 1 જાન્યુઆરીથી લાગુ થશે, જાણો કેટલા રૂપિયા ટ્રાન્સફર કરી શકશો