આજના સમયમાં સ્માર્ટફોન Smartphone આપણા જીવનનો અભિન્ન હિસ્સો બની ગયો છે, પરંતુ શું તમે જાણો છો કે તમારા ફોનનું એ નાનકડું 'પાવર બટન' Power Buttonમાત્ર ફોનને ચાલુ કે બંધ કરવા માટે નથી? મોટાભાગના લોકો પાવર બટનનો મર્યાદિત ઉપયોગ કરે છે, પરંતુ કેટલીક સરળ સેટિંગ્સ દ્વારા તમે આ બટનને મલ્ટિ-ટાસ્કિંગ ટૂલ બનાવી શકો છો. અહીં પાવર બટનના એવા 5 સ્માર્ટ ઉપયોગો છે જે તમારા કામને વધુ સરળ અને ઝડપી બનાવશે.

Smartphone Power Button Hacks : ક્વિક કેમેરા એક્સેસ (પલક ઝપકતા ફોટો પાડો)

ઘણીવાર આપણી સામે કોઈ એવી ક્ષણ આવે છે જેને આપણે કેમેરામાં કેદ કરવા માંગતા હોઈએ છીએ, પણ લોક ખોલતા ખોલતા એ ક્ષણ વીતી જાય છે. iPhone માં હવે ડેડિકેટેડ કેમેરા બટન મળે છે, પણ એન્ડ્રોઇડ યુઝર્સ પણ પાવર બટનનો આ રીતે ઉપયોગ કરી શકે છે. ફોનની સેટિંગ્સમાં જઈને 'Double Press Power Button for Camera' ઓપ્શન ઓન કરવાથી, માત્ર બે વાર બટન દબાવતા જ કેમેરા ઓપન થઈ જશે.

Smartphone Power Button Hacks : ટોર્ચ ઓન/ઓફ (અંધારામાં સરળતા)

રાત્રે અચાનક લાઈટ જાય ત્યારે ફોન અનલોક કરીને ટોર્ચ શોધવામાં સમય બગડે છે. ઘણા સ્માર્ટફોનમાં પાવર બટન દ્વારા ટોર્ચ કંટ્રોલ કરવાની સુવિધા હોય છે. સેટિંગ્સમાં આ ફીચર એક્ટિવ કરવાથી તમે ફોન લોક હોય ત્યારે પણ પાવર બટન પ્રેસ કરીને સીધી ટોર્ચ ચાલુ કે બંધ કરી શકશો.

 ઈમરજન્સી SOS ફીચર (સુરક્ષા માટે રામબાણ)

સુરક્ષાની દૃષ્ટિએ પાવર બટનનો આ સૌથી મહત્વનો ઉપયોગ છે. જો તમે મુશ્કેલીમાં હોવ, તો પાવર બટનને સતત 3 કે 5 વાર દબાવવાથી ફોન આપમેળે તમારા ઈમરજન્સી કોન્ટેક્ટ્સને તમારી લાઈવ લોકેશન અને મેસેજ મોકલી દે છે. દરેક યુઝરે આ સેટિંગ ચોક્કસપણે ઓન રાખવી જોઈએ.

એક જ પ્રેસમાં કોલ કટ (ઝડપી રિસ્પોન્સ)

ડ્રાઇવિંગ કરતી વખતે કે મીટિંગમાં હોવ ત્યારે સ્ક્રીન પર સ્વાઈપ કરીને કોલ કટ કરવો મુશ્કેલ બની શકે છે. ફોનની સેટિંગ્સમાં 'Press Power Button to End Call' ઓપ્શન મળે છે. આ ફીચર ઓન કરવાથી તમે ફોન જોયા વગર જ માત્ર પાવર બટન દબાવીને ચાલુ કોલ અથવા ઇનકમિંગ કોલ કટ કરી શકશો.

વૉઇસ આસિસ્ટન્ટ એક્ટિવેશન

ઘણા આધુનિક ફોનમાં પાવર બટનને થોડી સેકન્ડ દબાવી રાખવાથી Google Assistant અથવા Siri એક્ટિવેટ થઈ જાય છે. આનાથી તમે ફોનને સ્પર્શ કર્યા વગર માત્ર અવાજ દ્વારા મેસેજ મોકલવા કે રિમાઇન્ડર સેટ કરવા જેવા કામો કરી શકો છો.

સ્માર્ટફોનનું પાવર બટન એ માત્ર એક હાર્ડવેર સ્વીચ નથી, પરંતુ સ્માર્ટ શોર્ટકટ્સનો ખજાનો છે. જો આપણે આ નાનકડા બટનને યોગ્ય રીતે કસ્ટમાઇઝ કરીએ, તો તે કટોકટીના સમયે આપણી સુરક્ષા વધારી શકે છે અને રોજિંદા કામોમાં આપણો કિંમતી સમય બચાવી શકે છે. આજે જ તમારા ફોનની સેટિંગ્સમાં જઈને આ ફીચર્સ એક્ટિવ કરો અને તમારા સ્માર્ટફોન અનુભવને વધુ સ્માર્ટ અને સુરક્ષિત બનાવો.

આ પણ વાંચો : Induction ચૂલો લેવાનું વિચારી રહ્યા છો? તો આ વાંચવાનું ભૂલતા નહીં!