Social media: એલોન મસ્કનું સોશિયલ મીડિયા પ્લેટફોર્મ X યુકેમાં ગંભીર મુશ્કેલીમાં મૂકાયું છે. એક અહેવાલ મુજબ યુકે સરકાર (UK Government) X પર પ્રતિબંધ મૂકવાનો વિચાર કરી રહી છે. આ પગલા પાછળનું કારણ X ના આર્ટિફિશિયલ ઇન્ટેલિજન્સ (Artificial Intelligence)(AI) ચેટબોટ, "ગ્રોક" છે. જેણે તાજેતરમાં મહિલાઓ અને બાળકોની વાંધાજનક છબીઓ જનરેટ કરી છે.
Social media: શું છે મામલો?
સૂત્રોની માહિતી પ્રમાણે, X ના AI ચેટબોટ, Grok નો ઉપયોગ મહિલાઓ અને બાળકોની "વાંધાજનક છબીઓ" બનાવવા માટે કરવામાં આવ્યો હતો. તપાસમાં એ પણ બહાર આવ્યું છે કે આ ટૂલનો ઉપયોગ બાળ જાતીય શોષણ દર્શાવતી છબીઓ બનાવવા માટે કરવામાં આવ્યો હતો. જે પછી ડાર્ક વેબ (Dark Web) પર શેર કરવામાં આવી હતી. આ ખુલાસા બાદ બ્રિટિશ વડાપ્રધાન કીર સ્ટાર્મરે (Keir Starmer) કડક વલણ અપનાવ્યું છે. તેમણે મીડિયા નિયમનકાર ઓફકોમને આ મામલે "બધા વિકલ્પો ખુલ્લા રાખવા" કહ્યું છે. આનો અર્થ એ છે કે જો જરૂરી હોય તો X ને યુકેમાં સંપૂર્ણપણે પ્રતિબંધ કરી શકાય છે.
![Social media 01_GUJARAT_FIRST]()
Social media: બ્રિટિશ પીએમની કડક ચેતવણી
વડાપ્રધાન (Prime Minister) કીર સ્ટાર્મરે X ને ચેતવણી આપતા આપી છે કે, કંપનીએ તેની સિસ્ટમમાં સુધારો કરવો જોઈએ. અને આવી સામગ્રી તાત્કાલિક દૂર કરવી જોઈએ. તેમણે કહ્યું, "આ ખોટું છે, આ ગેરકાયદે છે. તેને સહન કરવામાં નહીં આવે." ડાઉનિંગ સ્ટ્રીટ (PM ઓફિસ) ના સૂત્રોના જણાવ્યા અનુસાર, બ્રિટનના ઓનલાઈન સેફ્ટી એક્ટ હેઠળ, સરકાર પાસે નિયમોનું પાલન ન કરતી સોશિયલ મીડિયા સાઇટ્સ પર અબજો પાઉન્ડનો દંડ લાદવાની અથવા તેમને દેશમાંથી બ્લોક કરવાની સત્તા છે.
ઓફકોમ કરી શકે છે મોટી કાર્યવાહી
બ્રિટનની ટેકનોલોજી વોચડોગ (Watchdog), ઓફકોમ (Ofcom), આ બાબતની તપાસ કરી શકે છે. જો તપાસમાં X દોષિત જણાય અને તે સમસ્યાનું નિરાકરણ લાવવાનો ઇનકાર કરે, તો ઓફકોમ કોર્ટનો ઉપયોગ કરીને ઇન્ટરનેટ કંપનીઓ અને એપ સ્ટોર્સને X ને બ્લોક કરવાનો આદેશ આપી શકે છે. નોંધનીય છે કે, આ કાર્યવાહી આજ સુધી કરવામાં આવી નથી. જો આવું થશે તો સોશિયલ મીડિયા પ્લેટફોર્મ સામે આ સૌથી પ્રથમ અને મોટી કાર્યવાહી હશે.
![Social media 02_GUJARAT_FIRST]()
એલોન મસ્કે શું કહ્યું?
એલોન મસ્કે (Elon Musk) અગાઉ બ્રિટનના ઓનલાઈન સેફ્ટી એક્ટ (Online Safety Act) ની ટીકા કરી હતી. તેમનું કહેવું છે કે આ કાયદાનો હેતુ "જાહેર અવાજોને દબાવવાનો" છે. X ના વિશ્વભરમાં આશરે 650 મિલિયન યુઝર્સ છે. જેમાંથી 20 મિલિયન ફક્ત યુકેમાં છે. જો આ પ્રતિબંધ લાગુ કરવામાં આવે છે, તો તે મસ્કના પ્લેટફોર્મ માટે મોટો ફટકો હશે.
આ પણ વાંચો------- Google Map લાવ્યું કમાલનું ફીચર, પાર્કિંગમાં મુકેલી કારને શોધવું બનશે આસાન
આ પણ વાંચો------Technology-2026: હવે અરીસો બતાવશે તમારું સ્વાસ્થ્ય! સ્માર્ટ ગ્લાસ સ્કેન કરશે તમારું આરોગ્ય!
