Wearable AC : હવે ગરમી તમારૂ કંઇ નહીં બગાડી શકે, ઠંડક સાથે જ રહેશે !
- Wearable AC, સમય સાથે ડિવાઇસ બદલાયા
- સોની કંપની દ્વારા ઠંડી ભગાડવા ગજબનું ડિવાઇસ બનાવાયું
- કપડામાં લાગીને શરીરને ઠંડક આપશે પહેરી શકાય તેવું એસી
- મોબાઇલ ફોનથી સરળતાથી એસી નિયંત્રિત કરવાનો વિકલ્પ ઉપલબ્ધ
Wearable AC : કાળઝાળ ગરમીમાં બહાર જવું એ કોઈ પડકારથી ઓછું નથી. આ સમસ્યાને ઓછી કરવા માટે, સોનીએ (Sony Company) એક ખાસ પહેરી શકાય તેવું એસી ડિવાઇસ (AC Devise) રજૂ કર્યું છે, જેનો ઉપયોગ કપડાંની નીચે ગળા પાસે પહેરીને કરી શકાય છે. આ નાનું ગેજેટ સફરમાં શરીરને ઠંડુ પાડવાનો દાવો કરે છે, અને સોશિયલ મીડિયા પર ઝડપથી લોકપ્રિયતા મેળવી રહ્યું છે. ખાસ વાત એ છે કે, આ ઉપકરણ બહાર કામ કરતા, ઓફિસ જનારા અને મુસાફરી કરતા લોકો માટે ખૂબ જ ઉપયોગી માનવામાં આવે છે.
Wearable AC, કપડામાં ડિવાઇસ લાગી જાય
સોનીનું નવું પહેરી શકાય તેવું એસી એક એવું ઉપકરણ છે, જેને ગરદન પાછળ પહેરવાનું હોય છે. તેને કપડાંની અંદર સરળતાથી લગાવી શકાય છે, અને તે શરીરને ઠંડુ રાખવામાં મદદ કરે છે. કંપનીનું કહેવું છે કે, તેને ગરમીમાં રાહત આપવા માટે ડિઝાઇન કરવામાં આવ્યું છે.
Wearable AC, મોબાઇલ એસી લોકપ્રિય બન્યું
સોનીનું આ નવું ગેજેટ આજકાલ સોશિયલ મીડિયા પર ચર્ચામાં છે. લોકો તેની કોમ્પેક્ટ ડિઝાઇન અને "મોબાઇલ એસી" કોન્સેપ્ટને ખૂબ પસંદ કરી રહ્યા છે (Mobile AC), ખાસ કરીને એવા યુઝર્સ જેઓ દરરોજ સૂર્ય અને ગરમીના સંપર્કમાં રહે છે.
આ પણ વાંચો - Mobile Recharge જૂનથી થશે મોંઘું? ટેલિકોમ કંપનીઓ યુઝર્સને આપી શકે છે ઝટકો
સેન્સર ઠંડક જાણવી રાખે
સોનીનું આ પહેરી શકાય તેવું એસી થર્મોઇલેક્ટ્રિક કૂલિંગ ટેકનોલોજી પર કામ કરે છે. સરળ ભાષામાં સમજવા માટે, તે ગરદનના ભાગને ઠંડુ પાડે છે, જેના કારણે આખા શરીરને ઠંડક મળે છે. તેમાં એવા સેન્સર પણ છે, જે આસપાસના તાપમાનને સમજી શકે છે અને ઠંડક સ્તરને જાળવી શકે છે.
ગરદનની પાછળ ફીટ થઇ જાય
સોનીએ આ ઉપકરણને કોમ્પેક્ટ અને હલકું બનાવ્યું છે જેથી વપરાશકર્તા તેને લાંબા સમય સુધી પહેરી શકે. તે ગરદનની પાછળ ફિટ થાય છે અને કપડાંની નીચે પણ સરળતાથી વાપરી શકાય છે. કંપનીએ તેને એવી રીતે ડિઝાઇન કર્યું છે કે તે ખૂબ ભારે ન લાગે.
લાંબા સમય સુધી ઠંકડ મળશે
સોનીના નવા પહેરી શકાય તેવા ACમાં વધુ સારી બેટરી બેકઅપ હોવાનો દાવો કરવામાં આવે છે. કંપનીના મતે, તે લાંબા સમય સુધી કૂલિંગ સપોર્ટ આપી શકે છે. તેમાં USB ટાઇપ-સી ચાર્જિંગ સપોર્ટ પણ મળી શકે છે, જેથી તેને સરળતાથી ચાર્જ કરી શકાય.
મોબાઇલ એપથી ચાલશે
આ ઉપકરણમાં વિવિધ કૂલિંગ લેવલના વિકલ્પો મળી શકે છે. યુઝર્સ તેમના મોબાઇલ એપ્લિકેશન દ્વારા કૂલિંગને પણ નિયંત્રિત કરી શકશે, જેનાથી તેઓ તેમની જરૂરિયાતો અનુસાર કૂલિંગ વધારી-ઘટાડી શકશે.
આ પણ વાંચો - હેકર્સના નિશાને Google Chrome, જાણો સરકારી એજન્સીએ શું ચેતવણી આપી !