Technology-2026: હવે અરીસો બતાવશે તમારું સ્વાસ્થ્ય! સ્માર્ટ ગ્લાસ સ્કેન કરશે તમારું આરોગ્ય!
- Technology-2026: કન્ઝ્યુમર ઈલેક્ટ્રોનિક શો 2026
- અરીસો જોઈને નક્કી કરો કેવું છે તમારું સ્વાસ્થ્ય
- CES 2026 માં રજૂ કરાઈ અદ્ભુત ટેકનોલોજી
- સ્માર્ટ ગ્લાસ બતાવશે તમારું આરોગ્ય
Technology-2026: જેમ જેમ આધુનિક યુગના વર્ષો પસાર થઈ રહ્યા છે, તેમ તેમ ટેક્નોલોજી (Technology) નવી પરિભાષા આપી રહ્યું છે. હવે વર્ષ 2026 શરૂ થઈ ગયું છે. ત્યારે અમેરિકા (America) માં આયોજીત કન્ઝ્યુમર ઈલેક્ટ્રોનિક્સ શો 2026માં અવનવી ટેક્નોલોજી આધારિત ઉપકરણોનું પ્રદર્શન કરવામાં આવ્યું. આ શોમાં એક એવું પણ ઉપકરણ હતું જેણે તમામ લોકોનું ધ્યાન આર્ષિત કર્યું હતું.
CES 2026 એટલે કે, કન્ઝ્યુમર ઈલેક્ટ્રોનિક શો 2026 માં એક સ્માર્ટ ગ્લાસ (Smart glass) પ્રસ્તુત કરવામાં આવ્યો હતો. જેની સામે ઉભી રહેનારી વ્યક્તિને તેના આરોગ્ય વિશે માહિતી મળે છે. આ સ્માર્ટ મિરરને લોંગેવિટી મિરર (Longevity Mirror) કહેવામાં આવે છે. કંપની ફક્ત ચહેરાને જોઈને રક્ત પ્રવાહ અને અન્ય સ્વાસ્થ્ય સ્થિતિઓ શોધવા માટે તેની પેટન્ટ ટેકનોલોજીનો ઉપયોગ કરે છે.
આ પણ વાંચો------ Air India માં નેતૃત્વના બદલાવની અટકળો તેજ, જાણો મામલો ક્યાં પહોંચ્યો
જો તમારા ઘરમાં રહેલો અરીસો અચાનક તમારા સ્વાસ્થ્ય વિશે માહિતી આપે તો? આ વિજ્ઞાન, સાહિત્ય વાર્તા વાસ્તવિકતા બની ગઈ છે. ડિજિટલ હેલ્થ ટેક કંપની (Digital health tech company) ન્યુરોલોજિક્સે કન્ઝ્યુમર ઇલેક્ટ્રોનિક્સ શો 2026 (CES 2026) માં એક નવી પ્રોડક્ટનું અનાવરણ કર્યું. ન્યુરોલોજિક્સે એક એવો અરીસો રજૂ કર્યો, જે વ્યક્તિના ચહેરાને જોઈને તેના સ્વાસ્થ્ય વિશે જાણકારી આપે છે.
CES 2026 માં સ્માર્ટ મિરરનો ડેમો દર્શાવવામાં આવ્યો
CES 2026 દરમિયાન એક ડેમો સ્પેસ બનાવવામાં આવી છે. જ્યાં આ અરીસો મૂકવામાં આવ્યો હતો. કોઈપણ વ્યક્તિ અરીસા સામે ઊભા રહીને પોતાની સ્વાસ્થ્ય વિગતો ચકાસી શકે છે. AI નો ઉપયોગ કરીને 30-સેકન્ડનો વીડિયો વિશ્લેષણ કરવામાં આવ્યો છે. તેનું વર્ણન આપવામાં આવ્યું છે. કોઈપણ વ્યક્તિ ઘરેથી તેનો ઉપયોગ કરી શકે છે. ગયા વર્ષે CES 2025 માં, NuraLogix એ Anura Magic Mirror નું અનાવરણ કર્યું હતું. જે સ્વાસ્થ્ય (Health) ની સમજ પૂરી પાડે છે. જો કે તે સામાન્ય લોકો માટે વેચાણ માટે ઉપલબ્ધ નહોતું.
શું સ્માર્ટ ગ્લાસનું વેચાણ થશે?
આ વર્ષે રજૂ કરાયેલ લોંગેવિટી મિરર ગ્રાહકોના ઉપયોગ માટે વેચવામાં આવશે. જેઓ તેમના સ્વાસ્થ્યને સમજવા માંગે છે તેમના માટે તે ઉપયોગી થશે.ન્યુરોલોજિક્સ કંપની (Neurologics Company) પાસે પોતાની પેટન્ટ કરાયેલ ટ્રાન્સડર્મલ ઓપ્ટિકલ ઇમેજિંગ ટેકનોલોજી (Transdermal optical imaging technology) છે.આ ટેકનોલોજી સેલ્ફી (Selfie) વીડિયોનું વિશ્લેષણ કરે છે. જેમાં રક્ત પ્રવાહ અને અન્ય માહિતીનો સમાવેશ થાય છે. અને માત્ર અડધા મિનિટમાં જ વ્યક્તિને જીવનશૈલી અને શારીરિક વિગત સહિતની માહિતી પૂરી પાડે છે.
AI આરોગ્ય સલાહ પણ પૂરી પાડે છે
આ સ્માર્ટ ગ્લાસ તમારા સ્વાસ્થ્ય ડેટાને સુધારવા માટે સચોટ સૂચના પણ આપે છે. આ ડિવાઇસ (Device) માં એક AI હેલ્થ આસિસ્ટન્ટ શામેલ છે. જે બધી માહિતીનું સરળતાથી અર્થઘટન કરે છે. અને ઊંઘ, પ્રવૃત્તિ, તણાવ અને વધુ સંબંધિત વ્યક્તિગત સલાહ સૂચનો પ્રદાન કરે છે.
શું છે આ CES 2026?
અમેરિકાના લાસ વેગાસમાં આયોજીત કન્ઝ્યુમર ઇલેક્ટ્રોનિક્સ શો (CES 2026) તે સૌથી મોટો ટેકનોલોજી મેળો છે. તારીખ 6 થી 9 જાન્યુઆરી દરમિયાન આ કાર્યક્રમમાં વિશ્વની અગ્રણી કંપનીઓ ભાગ લેશે. સેમસંગ, LG, લેનોવો, AMD, ઇન્ટેલ, મોટોરોલા અને અન્ય કંપનીઓ ભાગ લઈ રહી છે. સાથે જ ચીની અને યુરોપિયન કંપનીઓ પણ ભાગ લઈ રહી છે. સેમસંગ અને LG એ ઘણી મોટી જાહેરાતો કરી છે.
આ પણ વાંચો------- Air conditioner price: ઉનાળામાં પરસેવામાં રેબઝેબ કરશે AC!, શિયાળામાં જ ભાવમાં ધરખમ વધારો
આ પણ વાંચો-------Elon Musk: અમેરિકાની સ્ટ્રાઈક પછી એલોન મસ્કની જાહેરાત, વેનેઝુએલાને આપશે મફત સ્ટારલિંકની સેવા