આ કંપનીએ બનાવ્યો હતો વિશ્વનો પહેલો મોબાઈલ, જાણો રસપ્રદ કહાની
- મોબાઈલ તમારા તમામ કાર્યોને સરળ બનાવવામાં મદદ કરે છે
- મોટોરોલાના એન્જિનિયરે પહેલો મોબાઈલ બનાવ્યો
- માર્ટિનનો પ્રોજેક્ટ ઇતિહાસની સૌથી મહત્વપૂર્ણ શોધ
- માર્ટિને વિશ્વની પ્રથમ રેડિયો ટેલિફોન સિસ્ટમ બનાવી
- વિશ્વના પ્રથમ મોડેલનું વજન 1.1 કિલો
First Mobile Phone : તમારા મનમાં આ સવાલ તો આવ્યો જ હશે કે દુનિયાનો પહેલો મોબાઈલ કઈ કંપનીએ બનાવ્યો? પહેલા મોબાઈલ ફોનમાં કેટલી વિશેષતાઓ અને ફિચર્સ હતા? તે કોણ હતા, જેમને મોબાઈલ ફોન બનાવવાનો વિચાર આવ્યો? ચાલો તમને આ વિશે સંપૂર્ણ વિગતો આપીએ.
મોબાઈલ તમારા કાર્યોને બનાવે છે સરળ
મોબાઈલ ફોનના કારણે, આજે તમે ઇન્ટરનેટ પર સર્ફિંગ કરી શકો છો, વિડિયો ગેમ્સ રમી શકો છો, નવા લોકોને મળી શકો છો, તમારી મનપસંદ મૂવી જોઈ શકો છો, નકશા જોઈ શકો છો અને તમારા ગંતવ્ય સ્થાન સુધી પહોંચવા માટે દિશા નિર્દેશો પણ જોઈ શકો છો. તબીબી સુવિધાઓથી માંડીને ટિકિટ બુક કરાવવા અને ઘર માટે રાશન મંગાવવા સુધી, મોબાઈલ તમારા તમામ કાર્યોને સરળ બનાવવામાં મદદ કરે છે. આ કારણે, તમે જ્યાં પણ જાઓ ત્યાં તમારું કામ તમારી સાથે લઈ જઈ શકો છો અને તમારા પ્રિયજનો સાથે જોડાયેલા રહી શકો છો. પરંતુ શું તમે જાણો છો કે આ મોબાઈલ ફોન કોણે બનાવ્યો, જે તમારા અગણિત કાર્યોને ચૂટકીમાં સરળ બનાવી દે છે? કઈ કંપનીએ તેને પ્રથમ વખત બનાવ્યો હતો અને વેચ્યો હતો? પહેલીવાર જ્યારે ફોન બનાવવામાં આવ્યો ત્યારે તે કેવો દેખાતો હતો અને શું તે હાલમાં બજારમાં ઉપલબ્ધ હેન્ડસેટ જેવો જ હતો?
મોટોરોલાના એન્જિનિયરે પહેલો મોબાઈલ બનાવ્યો
મોટોરોલાના એન્જિનિયર માર્ટિન કૂપરે ક્યારેય કલ્પના કરી ન હતી કે તેમનો પ્રોજેક્ટ ઇતિહાસની સૌથી મહત્વપૂર્ણ શોધ બની જશે. માર્ટિન વિશ્વના પ્રથમ વ્યક્તિ હતા જેમણે મોબાઈલ ફોનથી કોલ કર્યો હતો. પરંતુ આ એક દિવસમાં બન્યું નથી. એન્જિનિયર્સે આના પર વર્ષો સુધી રિસર્ચ કર્યું, ત્યારબાદ કંઈક એવું બહાર આવ્યું જેણે આખી દુનિયા બદલી નાખી. ઑક્ટોબર 17, 1973ના રોજ, માર્ટિને વિશ્વની પ્રથમ રેડિયો ટેલિફોન સિસ્ટમ બનાવી અને આ ટેલિફોન સિસ્ટમને કારણે, માર્ટિન કૂપર DynaTAC 8000X મોબાઇલ ફોન વડે પ્રથમ મોબાઇલ ફોન કૉલ કરી શક્યો.
આ પણ વાંચો: Diesel કારની માઈલેજ અને લાઈફ બંને વધારશે આ સરળ ટિપ્સ , આજે જ અનુસરો
ફોન બનાવ્યા પછી માર્ટિને કોઈ મિત્રને ફોન કર્યો
તમે વિચારી રહ્યા હશો કે, મોબાઈલ ફોન બનાવ્યા પછી માર્ટિને કોઈ મિત્રને ફોન કર્યો હશે. ના...તેમણે તેમના સૌથી મોટા ટેકનિકલ હરીફ જોએલ એન્ગલને ફોન લગાવ્યો. જોએલ એન્ગલ એટી એન્ડ ટીમાં ઇલેક્ટ્રોનિક્સ એન્જિનિયર હતા.
DynaTAC 8000X મોબાઈલનું વજન 1 કિલોથી વધુ હતું
આજે તમે થોડા ગ્રામ વજનના હેન્ડસેટનો ઉપયોગ કરી રહ્યાં છો, પરંતુ વિશ્વના પ્રથમ મોડેલનું વજન 1.1 કિલો હતું અને તેનું માપ 33 x 4.5 x 8.9 હતું. તેનો અર્થ એ થાય છે કે, તે આજના ફોન કરતાં વધુ મોટો હતો. પ્રથમ મોબાઈલ ફોન માત્ર 30 મિનિટનો ટોકટાઈમ પૂરો પાડતો હતો અને યોગ્ય રીતે કામ કરવા માટે 10 કલાક ચાર્જિંગની જરૂર પડતી હતી. મોટોરોલા કંપનીએ તેને 13 માર્ચ, 1983 ના રોજ US $ 3,995 ની વિશાળ કિંમતે લોન્ચ કર્યો હતો.
જો કે, આજના હિસાબથી જોવામાં આવે તો પહેલો મોબાઈલ એટલો ઉપયોગી નહોતો. પરંતુ તેનાથી યુઝર્સને કોલ કરવા માટે લેન્ડલાઈન સાથે જોડવાની જરૂરિયાત ઓછી થઈ. લોન્ચ થયાના એક વર્ષ પછી, વિશ્વભરમાં આશરે 3,00,000 લોકો પાસે DynaTAC 8000X હતો.
આ પણ વાંચો: 2025 માં લાગુ થનારા આ મહત્વપૂર્ણ ફેરફારો વિશે શું તમે જાણ્યું?