• દિલ્હીમાં Uberએ મોટરહોમ સર્વિસ શરૂ કરી
• આ સુવિધા 7 ઓગસ્ટથી ઉપલબ્ધ રહેશે
• બુકિંગ 4 ઓગસ્ટથી ઉબેર એપ પર શરૂ થશે

uberએ દિલ્હી-nrcમાં ખાસ મોટરહોમ સર્વિસ લોન્ચ (Uber launches motorhome service) કરી છે. આ હોમ બસ સેવામાં અઘતન સુવિધાઓ મળી રહેશે. આ મોટરબસ સેવામાં ખાસ રૂમ, બાથરૂમ, માઇક્રોવેવ, મીની ફ્રિજ જેવી અનેક સુવિધાઓ છે. હાલમાં ઉબેરે આ સુવિધા ફક્ત દિલ્હી-એનસીઆરમાં (delhi-nrc) જ શરૂ કરી છે. જો તમે દિલ્હી-એનસીઆરમાં રહો છો અને પરિવાર સાથે લાંબી રજાઓ પર જવા માંગો છો, તો ઉબેરના ખાસ મોટરહોમ તમારા માટે અનુકૂળ હોઈ શકે છે. આ સુવિધા 7 ઓગસ્ટથી ઉપલબ્ધ રહેશે. તેમનું બુકિંગ 4 ઓગસ્ટથી ઉબેર એપ પર શરૂ થશે. એપમાં આ માટે એક અલગ આઇકોન આપવામાં આવશે. તમે તેના પર ક્લિક કરીને બુકિંગ કરી શકો છો.

ઉબેર મોટરહોમમાં આ લક્ઝરી સુવિધા મળશે

ઉલ્લેનીય છે કે આ લક્ઝરી વાહનોમાં 4-5 લોકો સરળતાથી બેસી શકશે. બેસવા માટે સોફા અને ખુરશીઓ લગાવવામાં આવી છે. આ ઉપરાંત, તેમાં ફોલ્ડેબલ બેડ પણ લગાવવામાં આવ્યો છે. આ મોટરહોમમાં (Uber launches motorhome service) લોકોને ડ્રાઇવર અને હેલ્પર આપવામાં આવશે. આ વાહનો એવા લોકો માટે ખાસ હશે જેઓ સપ્તાહના અંતે ટ્રિપ, તહેવાર અથવા કોઈ કાર્યક્રમમાં હાજરી આપવા માટે દૂર જઈ રહ્યા છે. આ મોટરહોમ્સમાં બુકિંગ, રસ્તામાં હોલ્ટ, વાહનનું રીઅલ ટાઇમ ટ્રેકિંગ અને 24x7 હેલ્પલાઇન જેવી સુવિધાઓ પણ પૂરી પાડવામાં આવશે. ઉબેરની આ સુવિધાથી મુસાફરો એકસાથે લક્ઝરી સુવિધાઓ અને રોડ ટ્રિપનો આનંદ માણી શકશે.

ઉબેર ઇન્ટરસિટી સેવા રૂટ વધ્યો

ભારતમાં લાંબા અંતરની રોડ ટ્રિપ્સને મનોરંજક બનાવવા માટે ઉબેરે એક મોટું પગલું ભર્યું છે. કંપનીએ તેની ઇન્ટરસિટી સેવાને સમગ્ર ભારતમાં 3,000 થી વધુ રૂટ પર વિસ્તૃત કરી છે. આનો અર્થ એ થયો કે હવે તમે ઉબેર સાથે પહેલા કરતા 50 ટકા વધુ શહેરો વચ્ચે મુસાફરી કરી શકો છો. એટલું જ નહીં, ઇન્ટરસિટીનો વ્યાપ વધારવાની સાથે, ઉબેરે ખાસ ડિઝાઇન કરેલા ઉબેર ઇન્ટરસિટી મોટરહોમ્સ પણ લોન્ચ કર્યા છે. આ સંપૂર્ણપણે નાના ઘરની જેમ ડિઝાઇન કરવામાં આવ્યા છે. માહિતી અનુસાર ઉબેરની આ સેવાનો ઉપયોગ દિલ્હી, આગ્રા, લખનૌ, કાનપુર, અમદાવાદ, વડોદરા, મુંબઈ, બેંગ્લોર અને મૈસુરમાં સૌથી વધુ થાય છે. ખાસ કરીને સપ્તાહના અંતે અને તહેવારો દરમિયાન તેમની માંગ વધુ હોય છે.

આ પણ વાંચો-   આ NRI એ રૂ.25 કરોડની Bugatti Chiron હાઇપર કાર ખરીદી, ખાસિયતો જાણી હોશ ઉડી જશે