San Bruno શહેરમાં બની અનોખી ઘટના : રોબોટ ટેક્સીએ ટ્રાફિક નિયમ તોડ્યો, પોલીસ દંડ ન ફટકારી શકી

• San Bruno શહેરમાં અનોખી ઘટના: Waymo Taxi એ નિયમ તોડ્યો
• પોલીસ મૂંઝવણમાં,  "ચલણ બુકમાં 'રોબોટ' માટે કોલમ નથી"
• કાયદો બન્યો, પણ ઓટોનોમસ વાહનો પર દંડની સ્પષ્ટ જોગવાઈનો અભાવ

કેલિફોર્નિયાના સૅન બ્રુનો (San Bruno) શહેરમાં એક અનોખી ઘટના સામે આવી છે, જ્યાં ટ્રાફિકના નિયમનો ભંગ કરનાર એક ડ્રાઇવરલેસ કારનો પોલીસ ચલણ કાપી શકી નહોતી. ઘટના ત્યારે બની જ્યારે Waymo કંપનીની એક ઓટોનોમસ ટૅક્સીએ પોલીસ અધિકારીઓ સામે જ ગેરકાયદેસર યુ-ટર્ન લીધો અને ટ્રાફિક નિયમનો ભંગ કર્યો હતો.

San Bruno શહેરમાં Waymo Taxi એ નિયમ તોડ્યો

નોંધનીય છે કે કેલિફોર્નિયાના સાન બ્રુનોમાં એક અનોખી ઘટના બની, જ્યારે ડ્રાઇવર વિનાની વેમો ટેક્સીએ પોલીસની સામે ગેરકાયદેસર યુ-ટર્ન લીધો. પોલીસે તાત્કાલિક વાહન રોક્યું, પરંતુ જ્યારે તેઓએ જોયું કે ડ્રાઇવરની સીટ ખાલી છે, ત્યારે તેઓ દંડ ફટકારી શક્યા નહીં.સાન બ્રુનો પોલીસે ફેસબુક પર એક નિવેદન બહાર પાડ્યું જેમાં સમજાવ્યું કે વાહનમાં કોઈ માણસ ન હોવાથી દંડ ફટકારી શકાતો નથી. એક અધિકારીએ મજાકમાં કહ્યું, "અમારી ચલણ બુકમાં કોઈ 'રોબોટ' કોલમ નથી."

Waymo Taxi એ નિયમ તોડ્યો પણ દંડની સ્પષ્ટ જોગવાઇ નથી

2023 માં, કેલિફોર્નિયાના ગવર્નર ગેવિન ન્યુસોમે ઓટોનોમસ વાહનોને ટ્રાફિક ઉલ્લંઘન માટે નોટિસ ફટકારવાની મંજૂરી આપતો કાયદો પસાર કર્યો. પરંતુ આ કાયદામાં કોઈ સ્પષ્ટ દંડનો ઉલ્લેખ નથી અને તે 1 જુલાઈ, 2026 થી અમલમાં આવશે.સાન બ્રુનો પોલીસ વિભાગના ટ્રાફિક વિભાગના સાર્જન્ટ સ્કોટ સ્મિથમાટુંગોલે જણાવ્યું હતું કે, "સ્વયંચાલિત વાહનો પર ટ્રાફિક અમલીકરણ હજુ સંપૂર્ણપણે સ્પષ્ટ નથી. એવું લાગે છે કે આપણે હજુ પણ બીટા પરીક્ષણમાં છીએ.આ ઘટના દર્શાવે છે કે જેમ જેમ ટેકનોલોજી આગળ વધે છે, તેમ તેમ કાયદા અમલીકરણને પણ તે જ ગતિએ અપડેટ કરવું જોઈએ. સ્વાયત્ત વાહનો માટે સ્પષ્ટ નિયમો અને દંડ સ્થાપિત કરવા એ સમયની જરૂરિયાત છે.

આ પણ વાંચો:   AIના દમદાર ફીચર્સ સાથે લોન્ચ થઇ આ નવી SUV, જાણો કિંમત