Upcoming new Hyundai Creta : હ્યુન્ડાઇ (Hyundai) પોતાની લોકપ્રિય SUV નવી હ્યુન્ડાઇ ક્રેટા (Hyundai Creta)ના આગામી જનરેશન મોડલ પર ઝડપથી કામ કરી રહી છે. મળતી માહિતી અનુસાર કંપની આ નવી SUV ને આવતા વર્ષની શરૂઆતમાં બજારમાં લોન્ચ કરી શકે છે, જ્યારે વૈશ્વિક સ્તરે (Global Launch) તેનું અનાવરણ આ વર્ષના અંત સુધીમાં થવાની શક્યતા છે. છેલ્લા કેટલાક મહિનાઓમાં આ કાર અનેક વખત ટેસ્ટિંગ દરમિયાન જોવા મળી છે, જેના કારણે ઓટોમોબાઇલ માર્કેટમાં તેની ચર્ચા વધુ તેજ બની ગઈ છે.

પહેલા કરતા વધુ મોટી અને બોલ્ડ ડિઝાઇન

તાજેતરમાં મનાલી (Manali) વિસ્તારમાં ટેસ્ટિંગ દરમિયાન જોવા મળેલી નવી ક્રેટાએ લોકોનું ખાસ ધ્યાન ખેંચ્યું હતું. ટેસ્ટિંગ દરમિયાન આ SUV વર્તમાન ક્રેટા અને સુઝુકી જિમ્ની (Suzuki Jimny) સાથે જોવા મળી હતી. લીક થયેલી તસવીરો પરથી સ્પષ્ટ થાય છે કે નવી ક્રેટાની ડિઝાઇન પહેલા કરતા વધુ બોલ્ડ અને પ્રીમિયમ હશે. ખાસ વાત એ છે કે તેમાં પેનોરેમિક સનરૂફ (Panoramic Sunroof) જેવી પ્રીમિયમ સુવિધા પણ આપવામાં આવશે, જે ઉચ્ચ વેરિઅન્ટમાં ઉપલબ્ધ રહેશે. માહિતી અનુસાર Third Generation Creta લગભગ 4.5 મીટર લાંબી હોઈ શકે છે. હાલની ક્રેટાની લંબાઈ 4,330 મીમી છે, એટલે નવી SUV કદમાં નોંધપાત્ર રીતે મોટી બનશે. કંપની આ SUV ને નવા K3 પ્લેટફોર્મ (K3 Platform) પર તૈયાર કરી રહી છે,

વધુ જગ્યા અને આરામદાયક કેબિન મળશે new Hyundai Creta માં

નવું પ્લેટફોર્મ લાંબો વ્હીલબેઝ (Wheelbase) આપશે, જેના કારણે કારની અંદર વધુ લેગરૂમ (Legroom) અને કમ્ફર્ટ મળશે. વર્તમાન ક્રેટામાં 433 લિટર બૂટ સ્પેસ (Boot Space) મળે છે, પરંતુ આગામી મોડલમાં તેમાં વધારો થઈ શકે છે. આ બદલાવને કારણે નવી ક્રેટા પરિવાર માટે વધુ અનુકૂળ SUV બની શકે છે.

ટેક્નોલોજી અને સ્માર્ટ ફીચર્સથી ભરપૂર

નવી ક્રેટામાં પ્લેયોસ કનેક્ટ (Pleos Connect) ઇન્ફોટેનમેન્ટ અને કોકપીટ સિસ્ટમ આપવામાં આવશે, જે આ સેગમેન્ટમાં પ્રથમવાર જોવા મળી શકે છે. આ SUV સોફ્ટવેર-ડિફાઇન્ડ વ્હીકલ (Software Defined Vehicle) તરીકે તૈયાર કરવામાં આવી રહી છે, જેને OTA અપડેટ્સ (OTA Updates) દ્વારા સમયાંતરે નવી સુવિધાઓ સાથે અપગ્રેડ કરી શકાશે. કંપની કારના સસ્પેન્શન (Suspension) અને સોફ્ટવેરમાં પણ અપડેટ્સ આપી શકશે. સલામતી (Safety) માટે પણ કંપની ખાસ ધ્યાન આપી રહી છે. નવી ક્રેટામાં લેવલ 2+ ADAS (Advanced Driver Assistance System) પેકેજ આપવામાં આવશે, જે ડ્રાઇવિંગને વધુ સુરક્ષિત અને સ્માર્ટ બનાવશે.

હાઇબ્રિડ અને AWD વિકલ્પની શક્યતા

કંપની શરૂઆતમાં આ SUV ને હાલના પેટ્રોલ અને ડીઝલ એન્જિન વિકલ્પો સાથે લોન્ચ કરી શકે છે, પરંતુ બાદમાં તેમાં હાઇબ્રિડ પાવરટ્રેન (Hybrid Powertrain) ઉમેરવાની યોજના છે. હાઇબ્રિડ મોડલ આવ્યા પછી નવી ક્રેટા સીધી મારુતિ સુઝુકી ગ્રાન્ડ વિટારા (Maruti Suzuki Grand Vitara) અને ટોયોટા હાઇરાઇડર (Toyota Hyryder)ને ટક્કર આપશે. આ ઉપરાંત, SUVમાં ઓલ-વ્હીલ ડ્રાઇવ (All Wheel Drive - AWD) જેવી પ્રીમિયમ સુવિધા પણ આપવામાં આવી શકે છે, જે ઓફ-રોડિંગ પ્રેમીઓ માટે ખાસ આકર્ષણ બની શકે છે.

આ પણ વાંચો : Ferrari First EV : રૂ. 6 કરોડની કાર પ્યોર મીમ મટિરિયલ સાબિત થઇ !