અનિચ્છનીય મેસેજ મોકલવાનું ટાળો
જો કોઈ વ્યક્તિ તમને મેસેજ ન કરવા કહે છે, તો તેની વાત માનવી જરૂરી છે. વારંવાર અનિચ્છનીય મેસેજ મોકલવાથી સામેની વ્યક્તિ તમારું અકાઉન્ટ રિપોર્ટ કરી શકે છે. આવા રિપોર્ટ્સ વધે તો WhatsApp અકાઉન્ટ સામે કાર્યવાહી કરી શકે છે.
Bulk Messaging અને Automated Activityથી સાવધાન
એકસાથે મોટી સંખ્યામાં લોકોને ઓટોમેટિક મેસેજ મોકલવા જેવી પ્રવૃત્તિઓ WhatsAppના નિયમોનું ઉલ્લંઘન કરી શકે છે. અનધિકૃત ઓટોમેશન, ઓટો-ડાયલિંગ અથવા WhatsAppની નકલ કરતી એપ્સનો ઉપયોગ પણ મુશ્કેલી ઊભી કરી શકે છે. પ્લેટફોર્મ આવી પ્રવૃત્તિઓની ઓળખ માટે ટેક્નોલોજી અને યુઝર રિપોર્ટ્સનો ઉપયોગ કરે છે.
કોઈનો નંબર પરવાનગી વગર શેર ન કરો
કોઈ વ્યક્તિનો ફોન નંબર તેની પરવાનગી વગર શેર કરવાનો ટાળવો જોઈએ. ગેરકાયદે રીતે મેળવેલા કોન્ટેક્ટ ડેટાનો ઉપયોગ કરીને લોકોને મેસેજ કરવા અથવા ગ્રુપમાં ઉમેરવા જેવી પ્રવૃત્તિ પણ નિયમોની વિરુદ્ધ જઈ શકે છે.
Broadcast Listનો વધુ પડતો ઉપયોગ
Broadcast Listમાં મોકલેલો મેસેજ સામાન્ય રીતે એવા લોકોને મળે છે, જેમણે તમારો નંબર પોતાના ફોનમાં સેવ કર્યો હોય. જો તમે સતત અને વધુ પડતા Broadcast Messages મોકલો છો, તો લોકો તમારા મેસેજને રિપોર્ટ કરી શકે છે. વારંવાર રિપોર્ટ થવાથી અકાઉન્ટ પર કાર્યવાહી થઈ શકે છે.
અન્ય યુઝર્સની ખાનગી માહિતી ભેગી ન કરો
બીજા WhatsApp યુઝર્સની વ્યક્તિગત માહિતી ઓટોમેટેડ રીતે એકત્ર કરવી પણ નિયમોની વિરુદ્ધ હોઈ શકે છે. તેમાં ફોન નંબર, પ્રોફાઇલ ફોટો અને સ્ટેટસ જેવી માહિતીનો સમાવેશ થાય છે. કોઈની પરવાનગી વગર આવી માહિતી એકત્ર કરવાનું ટાળવું જોઈએ.
Terms of Serviceનું ઉલ્લંઘન ન કરો
WhatsAppના Terms of Serviceમાં ખોટી માહિતી, ગેરકાયદેસર પ્રવૃત્તિ, ધમકી, હેરાનગતિ અને હેટ સ્પીચ જેવી બાબતો સામે નિયમો છે. નિયમોના ઉલ્લંઘનના કિસ્સામાં અકાઉન્ટ પર કાર્યવાહી થઈ શકે છે.
અકાઉન્ટ બેનથી કેવી રીતે બચશો?
WhatsAppનો ઉપયોગ કરતી વખતે અજાણ્યા અથવા અનિચ્છનીય લોકોને વારંવાર મેસેજ ન કરો. Bulk Messaging અને અનધિકૃત Automationથી દૂર રહો. કોઈની ખાનગી માહિતીનો દુરુપયોગ ન કરો. સાથે WhatsAppના Terms of Service અને અન્ય લાગુ નિયમોનું પાલન કરો. આ બાબતોનું ધ્યાન રાખવાથી અકાઉન્ટ પર કાર્યવાહી થવાનું જોખમ ઘટાડી શકાય છે.
આ પણ વાંચો---- Read deleted WhatsApp messages : 'This message was deleted'? આ રીતે વોટ્સએપમાં જાણો સામેવાળાએ મોકલીને શું ડિલેટ કર્યું
