WhatsApp Feature : હવે મેસેજ પણ નક્કી કરેલા સમયે ગાયબ થઇ જશે
- WhatsApp Feature યુઝર્સની સુવિધામાં વધારો કરશે
- ફોટો-વીડિયોની સાથે હવે મેસેજ પણ વાંચ્યા પછી ગાયબ થશે
- યુઝરે સેટ કરેલા સમયે મેસેજ જાતે જ અદ્રશ્ય થઇ જાય તેવી સુવિધા
WhatsApp Feature : મેસેજિંગ પ્લેટફોર્મ WhatsApp પર હવે તમારે ગોપનીયતા વિશે ચિંતા કરવાની જરૂર નથી. કંપની એક નવી પ્રાઇવસી-કેન્દ્રિત સુવિધા રજૂ કરી રહી છે, જે યુઝર્સને તેમના સંદેશાઓ કેટલા સમય સુધી દેખાશે, તે નક્કી કરવાની મંજૂરી આપશે. કંપની હાલમાં આ સુવિધા પર કામ કરી રહી છે. મીડિયા રિપોર્ટ્સ અનુસાર, એકવાર આ સુવિધા રોલઆઉટ થઈ ગયા પછી, બીજા યુઝર્સ દ્વારા સંદેશાઓ વાંચ્યા પછી તે આપમેળે અદૃશ્ય થઈ જશે. WhatsApp પાસે હાલમાં અદૃશ્ય વિકલ્પ છે, પરંતુ આ સુવિધા તેનાથી અલગ છે.
WhatsApp Feature, સ્નેપ ચેટની જેમ કામ કરશે
આ સુવિધા હજુ નિર્માણ હેઠળ છે, અને એન્ડ્રોઇડ બીટા સંસ્કરણમાં (Android Beta Version) તેની અપડેટ જોવા મળી છે. જો તમે વિચારી રહ્યા છો કે, WhatsApp માં પહેલાથી જ અદૃશ્ય સંદેશ સુવિધા છે, ત્યારે નવો વિકલ્પ શા માટે રજૂ કરવામાં આવી રહ્યો છે, તો તમને જણાવી દઈએ કે, આ બે સુવિધાઓ અલગ હશે. એકવાર નવું ફીચર રોલઆઉટ થઈ ગયા પછી, અન્ય યુઝર્સ મેળવેલા સંદેશાઓ વાંચ્યા બાદ જ અદૃશ્ય થઈ જશે. આ સ્નેપચેટની જેમ કાર્ય કરશે. બીજી તરફ વાંચ્યા પછી સંદેશ ગાયબ થવાની સુવિધા સાથે, યુઝરે સમયગાળો સેટ કરવો પડશે. નવી સુવિધા યુઝર્સને સમય કસ્ટમાઇઝ કરવાનો વિકલ્પ પણ આપી શકે છે. ગાયબ થતા મેસેજ માટે ટાઈમર મેસેજ ખોલતાની સાથે જ શરૂ થઇ જાય તેવી સુવિધા હોવાનું અનુમાન લગાડવામાં આવી રહ્યું છે.
આ પણ વાંચો ----------- TEE-01B Satellite : ઇઝરાયલ-અમેરિકા સામેના યુદ્ધમાં ઇરાનનું 'ચાઇનીઝ' બ્રહ્માસ્ત્ર
WhatsApp Feature, રોલઆઉટમાં વાર લાગશે
અહેવાલો અનુસાર, આ ફીચર બધી ચેટ્સ માટે ઉપલબ્ધ થશે. આનો અર્થ એ છે કે, યુઝર્સ તેનો ઉપયોગ વ્યક્તિગત ચેટ્સ અને ગ્રુપ ચેટ્સ (Personal Chat - Group Chat) બંને માટે કરી શકશે. યુઝર્સ તેનો ઉપયોગ ચોક્કસ ચેટ્સ માટે પણ કરી શકશે. નોંધનીય છે કે, આ ફીચર હાલમાં ડેવલપમેન્ટ હેઠળ છે, અને તેને રોલઆઉટ થવામાં થોડો સમય લાગી શકે છે.
યુઝર નેમનું ફીચર ઉમેરાશે
વોટ્સએપ નિયમિતપણે તેના યુઝર્સ માટે નવા ફીચર્સ રજૂ કરે છે. તાજેતરમાં, કંપનીએ યુઝરનેમ ફીચર રોલઆઉટ (WhatsApp - User Name Feature) કરવાનું શરૂ કર્યું છે. ફેસબુક અને ઇન્સ્ટાગ્રામની જેમ, હવે વોટ્સએપ પર યુઝરનેમ સેટ કરી શકાય છે. આ પછી, જો કોઈને તમારો સંપર્ક કરવાની જરૂર હોય, તો તમે તમારા નંબરને બદલે તમારું યુઝરનેમ શેર કરી શકો છો. આ તમારો નંબર ખાનગી રાખશે. યુઝર્સને વોટ્સએપ પર તેમનું ફેસબુક અને ઇન્સ્ટાગ્રામ યુઝરનેમ સેટ કરવાનો વિકલ્પ પણ મળશે.
આ પણ વાંચો ----------- Twitter Down : X ની સેવા ખોરવાતા રોષ, યુઝરે લખ્યું, '2024 ચાલે છે કે શું..!'