ઓન-ડિવાઇસ AIથી રહેશે પ્રાઇવસી સુરક્ષિત

બીટા વર્ઝન (Beta Version)ના પરીક્ષણ પરથી જાણવા મળ્યું છે કે આ ફીચર ઓન-ડિવાઇસ મશીન લર્નિંગ (On-Device Machine Learning) મોડલ પર કામ કરશે. એટલે કે મેસેજનું વિશ્લેષણ સીધું સ્માર્ટફોનમાં જ થશે. મેસેજની માહિતી વોટ્સએપ સર્વર, મેટા કે અન્ય કોઈ પ્લેટફોર્મ સુધી મોકલવામાં નહીં આવે. આથી યુઝર્સની પ્રાઇવસી (Privacy) જળવાઈ રહેશે.

કેવી રીતે કામ કરશે Scam Alert?

સ્કેમ અલર્ટ સ્માર્ટફોનના બેકગ્રાઉન્ડમાં કામ કરશે અને ખાસ કરીને અજાણ્યા નંબર પરથી આવતા મેસેજની તપાસ કરશે. જો કોઈ મેસેજમાં સ્કેમ સાથે જોડાયેલી પેટર્ન જોવા મળે, વ્યક્તિગત માહિતી (Personal Information) માંગવામાં આવે અથવા તાત્કાલિક પગલું ભરવા માટે દબાણ કરવામાં આવે, તો સિસ્ટમ સક્રિય થઈ શકે છે. આ સમયે સ્ક્રીન પર વૉર્નિંગ બેનર (Warning Banner) દેખાશે. ત્યારબાદ યુઝર તે ચેટને બ્લોક (Block) અથવા રિપોર્ટ (Report) કરી શકશે. ઈચ્છા હોય તો વૉર્નિંગ બેનર દૂર પણ કરી શકાશે.

ફીચર મેન્યુઅલી કરવું પડશે ON

આ સ્કેમ અલર્ટ ટૂલ યુઝર્સે વોટ્સએપની સેટિંગ્સ (Settings) માંથી મેન્યુઅલી ચાલુ કરવું પડશે. ત્યારબાદ જરૂરી AI ટૂલ ઓટોમેટિક રીતે ડાઉનલોડ થશે. યુઝર્સ જ્યારે ઈચ્છે ત્યારે આ ફીચરને બંધ (Off) પણ કરી શકશે. વોટ્સએપનો ઉપયોગ કરીને સ્કેમર્સ સતત લોકોને નિશાન બનાવી રહ્યા છે. આવી સ્થિતિમાં આ નવું સુરક્ષા ફીચર યુઝર્સને શંકાસ્પદ મેસેજથી સાવચેત કરવામાં મહત્વની ભૂમિકા ભજવી શકે છે.

આ પણ વાંચો : AI Generated Text Detection : હવે કોપી-પેસ્ટ કરેલું AI ટેક્સ્ટ પણ પકડાઇ જશે! Anthropic લાવ્યું ઇનવિઝિબલ વોટરમાર્કિગ ફીચર