Hind First

Hind First (English)

› Tech Auto › WhatsApp Support End : શું WhatsApp માટે હવે નવો ફોન ખરીદવો પડશે? કરોડો યુઝર્સ માટે આવ્યા માઠા સમાચાર

WhatsApp Support End : શું WhatsApp માટે હવે નવો ફોન ખરીદવો પડશે? કરોડો યુઝર્સ માટે આવ્યા માઠા સમાચાર

WhatsApp Support End : WhatsAppએ જૂના Android સ્માર્ટફોન (Old Android Smartphones) માટે મોટો નિર્ણય લીધો છે. 8 સપ્ટેમ્બર 2026થી Android 5.0 અને 5.1 પર ચાલતા ફોનમાં WhatsApp સપોર્ટ (WhatsApp Support) બંધ થઈ ગયો છે. હવે આવા યુઝર્સે ફોનનું OS અપડેટ કરવું પડશે અથવા નવો સ્માર્ટફોન ખરીદવો પડશે. જાણો કયા Android વર્ઝનથી WhatsApp ચાલશે અને કંપનીએ આ નિર્ણય શા માટે લીધો.

Hardik Shah

12:21 PM Sep 09, 2026 IST

whatsapp support end શું whatsapp માટે હવે નવો ફોન ખરીદવો પડશે કરોડો યુઝર્સ માટે આવ્યા માઠા સમાચાર

WhatsApp Support End : WhatsApp (વોટ્સએપ)એ જૂના સ્માર્ટફોન (Old Smartphones) માટે પોતાના સપોર્ટ (Support) અંગે મોટો નિર્ણય લીધો છે. WABetaInfoના અહેવાલ અનુસાર, 8 સપ્ટેમ્બર 2026થી Android 5.0 અને Android 5.1 પર ચાલતા સ્માર્ટફોનમાં WhatsAppનો સપોર્ટ બંધ કરી દેવામાં આવ્યો છે. એટલે કે આ જૂના Android વર્ઝનનો ઉપયોગ કરતા લોકોને હવે મેસેજિંગ એપ (Messaging App) ચલાવવામાં મુશ્કેલી આવી શકે છે. જૂના Android ફોનમાં WhatsApp ખોલતા જ યુઝર્સને એપની અંદર સપોર્ટ બંધ થવા અંગે નોટિફિકેશન (Notification Alert) જોવા મળશે. કંપની તરફથી આવા યુઝર્સને પોતાના ફોનનું Operating System (OS) અપડેટ કરવાની સલાહ આપવામાં આવી છે.

ફોન અપડેટ ન થાય તો શું કરવું?

જો તમારા સ્માર્ટફોનમાં Androidનું નવું અપડેટ (Software Update) ઉપલબ્ધ હોય, તો તેને લેટેસ્ટ OS વર્ઝન પર અપગ્રેડ કરી શકાય છે. જોકે, જો ફોન માટે કોઈ નવું અપડેટ ઉપલબ્ધ ન હોય, તો WhatsAppનો ઉપયોગ ચાલુ રાખવા માટે નવો સ્માર્ટફોન (New Smartphone) ખરીદવાનો વિકલ્પ રહેશે.

WhatsAppએ એપ્રિલમાં જ આપી હતી માહિતી

WhatsAppએ આ ફેરફાર અંગે એપ્રિલ 2026માં જ જાહેરાત કરી હતી. કંપનીએ યુઝર્સને અગાઉથી જાણ કરી હતી કે જૂના Android વર્ઝન માટે સપોર્ટ સમાપ્ત કરવામાં આવશે. હવે આ નિર્ણય અમલમાં આવી ગયો છે. નવા નિયમ બાદ WhatsApp માટે Android 6.0 Marshmallow અથવા તેનાથી ઉપરનું વર્ઝન જરૂરી રહેશે.

WhatsApp ends support for older Android versions today!
Starting today, WhatsApp no longer works on devices with Android 5.0 or 5.1.https://t.co/dU68MD1pJ1 pic.twitter.com/eYkXgd4Qx2
— WABetaInfo (@WABetaInfo) September 7, 2026

ભારત સહિત અનેક દેશોમાં હજુ જૂના ફોનનો ઉપયોગ

WABetaInfoના અહેવાલ મુજબ, ભારત ઉપરાંત પાકિસ્તાન, બ્રાઝિલ સહિતના ઘણા દેશોમાં હજુ પણ મોટી સંખ્યામાં જૂના સ્માર્ટફોનનો ઉપયોગ થાય છે. આમાંથી કેટલાક ડિવાઇસ Android 5 અથવા તેનાથી પણ જૂના Operating System પર કામ કરે છે. તેથી WhatsAppના આ નિર્ણયની અસર અનેક યુઝર્સ પર થઈ શકે છે.

જૂના Android વર્ઝન માટે સપોર્ટ કેમ બંધ કર્યો?

WhatsApp સતત નવા ફીચર્સ (New Features) અને સુરક્ષા સુધારા (Security Updates) રજૂ કરે છે. નવા ફીચર્સ ઘણી વખત નવા Android વર્ઝન સાથે જ સુસંગત (Compatible) હોય છે. જૂના Operating Systemમાં જરૂરી ટેક્નિકલ ક્ષમતાઓ ન હોવાથી કેટલીક સુવિધાઓ યોગ્ય રીતે કામ કરી શકતી નથી. આ કારણોસર WhatsAppએ Android 5.0 અને 5.1 સહિતના જૂના વર્ઝન માટે સપોર્ટ બંધ કરીને હવે ઓછામાં ઓછા Android 6.0 Marshmallowને સપોર્ટ કરવાનો નિર્ણય લીધો છે.

આ પણ વાંચો : WhatsApp Guest Call Feature : અકાઉન્ટ પણ નહીં અને એપ પણ નહીં, તો કૉલ કેવી રીતે લાગશે? WhatsAppના નવા ફીચરે બધાને ચોંકાવ્યા!

વધુ વાંચો

Tags :