કયા iPhone મોડલ્સ પર બંધ થશે WhatsApp?
વોટ્સએપ ડેવલપમેન્ટ સંબંધિત માહિતી આપતી જાણીતી વેબસાઇટ WABetaInfo અનુસાર, iOS 15.4 અને તેનાથી જૂના વર્ઝન (Version) પર કામ કરતા iPhone મોડલ્સ માટે WhatsApp સપોર્ટ સમાપ્ત કરવામાં આવશે. એટલે કે, જે iPhone યુઝર્સ હજુ પણ જૂના iOS વર્ઝનનો ઉપયોગ કરી રહ્યા છે તેઓએ સમયસર પોતાના ડિવાઇસને અપડેટ કરવું પડશે. કંપની દ્વારા આપવામાં આવેલી માહિતી અનુસાર, 30 નવેમ્બર 2026થી iOS 15.4 અથવા તેનાથી જૂના વર્ઝન પર ચાલતા iPhoneમાં WhatsApp યોગ્ય રીતે કાર્ય કરશે નહીં.
Android યુઝર્સ માટે પણ મહત્વની ચેતવણી
માત્ર iPhone જ નહીં, પરંતુ Android યુઝર્સને પણ આ ફેરફારની અસર પડશે. WhatsAppના સત્તાવાર FAQ પેજ અનુસાર Android 6 (Marshmallow) અને તેનાથી ઉપરના વર્ઝનને જ WhatsApp સપોર્ટ કરશે. તેનો સીધો અર્થ એ છે કે Android 6 કરતાં જૂના ઓપરેટિંગ સિસ્ટમ પર ચાલતા સ્માર્ટફોનમાં WhatsApp બંધ થઈ જશે. કંપનીએ સ્પષ્ટ કર્યું છે કે 8 સપ્ટેમ્બર 2026થી આ નવા નિયમો અમલમાં આવશે.
સપોર્ટ બંધ થયા પછી શું થશે?
જો તમારો ફોન નિર્ધારિત ઓપરેટિંગ સિસ્ટમની આવશ્યકતાઓ પૂરી નહીં કરે તો તમે WhatsAppનો ઉપયોગ કરી શકશો નહીં. મેસેજ મોકલવા, કોલિંગ (Calling), વીડિયો કોલ (Video Call) અને અન્ય ફીચર્સનો ઉપયોગ પણ શક્ય રહેશે નહીં. ઉપરાંત, નવા અપડેટ્સ અને સુરક્ષા સુવિધાઓ (Security Features) પણ ઉપલબ્ધ નહીં રહે.
WhatsApp ચાલુ રાખવા શું કરવું?
જો તમારો ફોન જૂના OS પર કામ કરતો હોય તો સૌથી પહેલાં Settings માં જઈને Software Update ચેક કરો. ઘણી વખત ડિવાઇસ માટે નવું અપડેટ ઉપલબ્ધ હોય છે, પરંતુ યુઝર્સ તેને ઇન્સ્ટોલ કરતા નથી. જો તમારા ફોન માટે નવું અપડેટ ઉપલબ્ધ હોય તો તેને તરત ઇન્સ્ટોલ કરો અને ત્યારબાદ તમારા ડિવાઇસમાં કયું OS વર્ઝન ચાલી રહ્યું છે તે ચકાસો. જો ફોન અપડેટને સપોર્ટ કરતો ન હોય, તો WhatsAppનો ઉપયોગ ચાલુ રાખવા માટે નવો સ્માર્ટફોન ખરીદવો જરૂરી બની શકે છે.
યુઝર્સે અત્યારથી તૈયારી શરૂ કરવી જોઈએ
ઉલ્લેખનીય છે કે WhatsApp સમયાંતરે જૂના ડિવાઇસ માટે સપોર્ટ બંધ કરતું રહે છે જેથી એપમાં નવી ટેક્નોલોજી (Technology), સુરક્ષા સુધારાઓ અને આધુનિક ફીચર્સ સરળતાથી અમલમાં મૂકી શકાય. તેથી જૂના iPhone અને Android યુઝર્સે અત્યારથી જ પોતાના ડિવાઇસની સુસંગતતા (Compatibility) તપાસી લેવી જોઈએ જેથી ભવિષ્યમાં WhatsApp સેવા બંધ થવાની સમસ્યાનો સામનો ન કરવો પડે.
આ પણ વાંચો : WhatsApp માં આવશે મોટો ફેરફાર! હવે નંબર શેર કર્યા વગર પણ કરી શકશો Chat
