જો ઓપ્શન ન દેખાય તો શું કરવું?
આ યુઝરનેમ રિઝર્વેશન (Username reservation) પ્રક્રિયા તબક્કાવાર રીતે આખું અઠવાડિયું ચાલશે. આથી, જો તમને હજુ સુધી આ વિકલ્પ ન મળ્યો હોય, તો પ્લે સ્ટોર અથવા એપ સ્ટોર પર જઈને તમારી એપ અપડેટ (Update) કરો. કંપનીના જણાવ્યા મુજબ, બધા યુઝર્સને આ સુવિધા ધીમે-ધીમે રોલઆઉટ કરવામાં આવી રહી છે, તેથી નિયમિત એપ ચેક કરતા રહો.
વોટ્સએપ પર યુઝરનેમ કેવી રીતે રિઝર્વ કરવું?
વોટ્સએપના નવા અપડેટ સાથે પોતાની પસંદગીનું યુઝરનેમ રિઝર્વ કરવું હવે ખૂબ જ સરળ બની ગયું છે. આ માટે યુઝર્સે સૌથી પહેલા પોતાના મોબાઈલમાં વોટ્સએપ એપ્લિકેશન ઓપન કરવાની રહેશે અને ત્યારબાદ પ્રોફાઈલના સેટિંગ્સ (Settings) મેનૂમાં જવાનું રહેશે. અહીં આપેલા એકાઉન્ટ સેક્શન (Account section) પર ટેપ કરતા જ સ્ક્રીન પર 'Username' સેટ કરવાનો એક નવો ઓપ્શન જોવા મળશે, જ્યાં તમે તમારી ઓળખ મુજબનું મનપસંદ નામ ટાઈપ કરીને તેને સુરક્ષિત કરી શકો છો.
જોકે ખાસ નોંધવું રહ્યું કે ઇન્સ્ટાગ્રામ અને ફેસબુક જેવા સોશિયલ મીડિયા પ્લેટફોર્મની જેમ જ અહીં પણ 2 અલગ-અલગ યુઝર્સ ક્યારેય એક સરખું નામ રાખી શકશે નહીં, એટલે કે દરેક યુઝરનેમ સંપૂર્ણપણે અનન્ય અને સિંગલ જ રહેશે, તેથી વહેલા તે પહેલાના ધોરણે તમારું નામ લોક કરી લેવું હિતાવહ છે.
મનપસંદ કસ્ટમ યુઝરનેમ મેળવવાની ટ્રિક્સ
વોટ્સએપના નવા ફીચરમાં સામાન્ય નામ ધરાવતા યુઝર્સને પોતાની પસંદગીનું યુનિક નામ (Unique name) મેળવવામાં મુશ્કેલી પડી રહી છે, કારણ કે પ્લેટફોર્મના સેફ્ટી ફીચર્સને લીધે નામની ઉપલબ્ધતા મર્યાદિત છે. જો તમને પણ આ પ્રકારની સમસ્યા નડતી હોય, તો તમે કેટલીક સરળ ટિપ્સ અપનાવીને એક આકર્ષક યુઝરનેમ બનાવી શકો છો. આ માટે તમે તમારા મૂળ નામની સાથે વિવિધ નંબર્સ (Numbers), પીરિયડ્સ એટલે કે ડોટ્સ (Periods), અથવા અંડરસ્કોર (Underscores) જેવા સ્પેશિયલ કેરેક્ટર્સ ઉમેરીને ટ્રાય કરી શકો છો.
આ સિવાય, પ્રોફાઈલને પ્રોફેશનલ અને ઓથેન્ટિક લુક આપવા માટે નામની આગળ કે પાછળ Official, Iam, OG, અથવા Real જેવા લોકપ્રિય શબ્દો જોડવા એ એક ઉત્તમ વિકલ્પ છે. જો આ બધી પદ્ધતિઓ પછી પણ તમારું મનપસંદ નામ ન મળે, તો સોશિયલ મીડિયા પર તમારી બ્રાન્ડ વેલ્યુ જાળવી રાખવા માટે તમે તમારા ફેસબુક (Facebook) અથવા ઇન્સ્ટાગ્રામ (Instagram) ના સેટ કરેલા આઈડીનો બેઠો ઉપયોગ અહીં કરી શકો છો જેથી લોકો તમને સરળતાથી ઓળખી શકે.
આ પણ વાંચો : WhatsApp Username Feature: નંબર વગર ચેટિંગથી સાયબર ક્રાઈમ વધવાની શક્યતા, નવા યુઝરનેમ ફીચરની તપાસ કરશે કેન્દ્ર સરકાર
