ધીમા ઇન્ટરનેટની સમસ્યા? આ 5 ટિપ્સથી તમારા Wi-Fiની સ્પીડ તરત ડબલ કરો!

• Wi-Fi સ્પીડ વધારવાની 5 સહેલી રીતો (Wi-Fi Speed Tips)
• રાઉટરને ખુલ્લામાં રાખો, દીવાલ કે ખૂણામાં નહીં
• બ્લૂટૂથ ડિવાઇસથી રાઉટરને દૂર રાખો
• વણવપરાતા ડિવાઇસને ડિસકનેક્ટ કરો
• જૂના રાઉટરને Wi-Fi 6માં અપગ્રેડ કરો

Wi-Fi Speed Tips : આજના ડિજિટલ યુગમાં ઓનલાઈન ક્લાસ, વર્ક ફ્રોમ હોમ, મૂવી સ્ટ્રીમિંગ કે ગેમિંગ—દરેક કામ ઝડપી ઇન્ટરનેટ પર આધાર રાખે છે. આવા સમયમાં જો Wi-Fi વારંવાર ધીમું પડી જાય, તો કામ અટકી જાય છે અને અકળામણ વધે છે. સારી વાત એ છે કે કેટલાક સરળ ફેરફારો દ્વારા તમે તમારા ઘરના ઇન્ટરનેટની સ્પીડમાં તાત્કાલિક સુધારો કરી શકો છો. અહીં એ જ સરળ અને વ્યવહારુ ટિપ્સ આપવામાં આવી છે જેની ભલામણ ઇન્ટરનેટ નિષ્ણાતો પણ કરે છે.

1. રાઉટરને યોગ્ય જગ્યાએ રાખો – Router Placement Tips

Wi-Fiની સ્પીડ મોટા ભાગે રાઉટરના સ્થાન પર આધાર રાખે છે. ઘણા લોકો તેને દીવાલોની પાછળ કે કોઈ ખૂણામાં છુપાવી દે છે, જેનાથી સિગ્નલ નબળું પડે છે. રાઉટરને હંમેશા ખુલ્લા સ્થળ પર રાખો અને તેની આસપાસ કોઈ અવરોધ ન હોય તેનું ધ્યાન રાખો. આનાથી ઘરના દરેક ભાગમાં મજબૂત સિગ્નલ પહોંચે છે અને સ્પીડ સ્થિર રહે છે.

2. અન્ય ઇલેક્ટ્રોનિક ડિવાઇસથી દૂર રાખો – Minimize Signal Interference

બ્લૂટૂથ સ્પીકર, કોર્ડલેસ ફોન અને અન્ય કેટલાક ઇલેક્ટ્રોનિક ઉપકરણો તમારા Wi-Fi સિગ્નલમાં દખલ કરે છે. આનાથી ઇન્ટરનેટની સ્પીડ ઘટી શકે છે. રાઉટરને આવા ઉપકરણોથી દૂર રાખવું વધુ સારું છે. જુદા જુદા ડિવાઇસ વચ્ચે યોગ્ય અંતર રાખવાથી કનેક્શન વધુ સ્થિર અને ઝડપી મળે છે.

3. ઓછા ડિવાઇસ જોડો, સ્પીડ આપોઆપ વધશે – Reduce Connected Devices

જો એક જ Wi-Fi પર ઘણા બધા ફોન, લેપટોપ અથવા સ્માર્ટ ડિવાઇસ જોડાયેલા હોય, તો ઇન્ટરનેટની સ્પીડ બધામાં ધીમી થઈ જાય છે. જે ડિવાઇસનો ઉપયોગ ન થઈ રહ્યો હોય, તેને ડિસકનેક્ટ કરી દો. આનાથી બાકીના ડિવાઇસને વધુ બેન્ડવિડ્થ મળશે અને તમારો બ્રાઉઝિંગ, સ્ટ્રીમિંગ અને ઓનલાઈન ગેમિંગનો અનુભવ સારો થશે.

4. જૂના રાઉટરને અપગ્રેડ કરો – Upgrade Old Router

3-4 વર્ષ જૂનું રાઉટર તમારી ઇન્ટરનેટ સ્પીડને મર્યાદિત કરી શકે છે. નવા ડ્યુઅલ-બેન્ડ અથવા ટ્રાઇ-બેન્ડ રાઉટર, ખાસ કરીને Wi-Fi 6 અથવા Wi-Fi 6E સપોર્ટવાળા, વધુ સારૂં અને ઝડપી ઇન્ટરનેટ આપવા માટે તૈયાર કરવામાં આવ્યા છે. આ આધુનિક રાઉટર્સ વધુ ડિવાઇસ સરળતાથી સંભાળી શકે છે અને આખા ઘરમાં મજબૂત નેટવર્ક આપે છે.

5. ફર્મવેર નિયમિત અપડેટ કરો – Router Firmware Update

રાઉટરના ફર્મવેરને અપડેટ કરવું એટલું જ જરૂરી છે જેટલું મોબાઇલના સોફ્ટવેર અપડેટ કરવા. આનાથી માત્ર સ્પીડ જ નથી સુધરતી, પરંતુ નેટવર્કની સુરક્ષા પણ મજબૂત થાય છે. અપડેટેડ ફર્મવેર તમારો ડેટા સુરક્ષિત રાખે છે અને ઇન્ટરનેટ કનેક્શનને વધુ સ્થિર બનાવે છે.

આ સરળ પદ્ધતિઓ અપનાવીને તમે તમારા ઘરના Wi-Fiની સ્પીડમાં મોટો સુધારો લાવી શકો છો.

આ પણ વાંચો : X અને ChatGPT સહિત અનેક વેબસાઇ ઠપ, વિશ્વભરના લાખો ઇન્ટરનેટ યુઝર્સને ભારે હાલાકી