World First AI Minister: અલ્બેનિયાના પ્રથમ AI મંત્રીએ સંસદમાં જોરદાર ભાષણ આપ્યું

• World First AI Minister: અલ્બેનિયાએ વિશ્વના પ્રથમ AI મંત્રી, ડિએલાને નિયુક્ત કર્યા છે
• અલ્બેનિયન સરકારના AI મંત્રી, ડિએલાએ પ્રથમ વખત સંસદને સંબોધિત કરી
• AI મંત્રીએ વધુમાં જણાવ્યું કે, "હું ફક્ત મનુષ્યોને મદદ કરવા માટે અહીં છું

World First AI Minister: અલ્બેનિયાએ વિશ્વના પ્રથમ AI મંત્રી, ડિએલાને નિયુક્ત કર્યા છે. આ AI એ અલ્બેનિયાની નેશનલ એજન્સી ફોર ઇન્ફર્મેશન સોસાયટી દ્વારા માઇક્રોસોફ્ટના સહયોગથી વિકસાવવામાં આવેલ કૃત્રિમ બુદ્ધિમત્તાનું એક સ્વરૂપ છે. અલ્બેનિયન સરકારના AI મંત્રી, ડિએલાએ પ્રથમ વખત સંસદને સંબોધિત કરી. તેણે કહ્યું, "વિપક્ષ વારંવાર મારી નિમણૂકને ગેરબંધારણીય કહે છે. મને આ આરોપોથી દુઃખ થયું છે."

AI મંત્રીએ વધુમાં જણાવ્યું કે, "હું ફક્ત મનુષ્યોને મદદ કરવા માટે અહીં છું

AI મંત્રીએ વધુમાં જણાવ્યું કે, "હું ફક્ત મનુષ્યોને મદદ કરવા માટે અહીં છું. હું તેમને બદલવા માટે અહીં નથી. હું અહીં કોઈને બદલવા માટે નથી." અલ્બેનિયનમાં ડિએલાનો અર્થ સૂર્ય થાય છે. AI ને પરંપરાગત અલ્બેનિયન પોશાક પહેરેલી મહિલા તરીકે દર્શાવવામાં આવી છે. તેનો અવાજ અને ચહેરો અલ્બેનિયન અભિનેત્રી અનિલા બિશાથી પ્રેરિત છે.

ચોથા મંત્રીમંડળમાં ડિએલાને જાહેર ખરીદ મંત્રી તરીકે નિયુક્ત કર્યા

12 સપ્ટેમ્બરના રોજ, અલ્બેનિયન વડાપ્રધાન એડી રામાએ તેમના ચોથા મંત્રીમંડળમાં ડિએલાને જાહેર ખરીદ મંત્રી તરીકે નિયુક્ત કર્યા છે. આ જાહેરાત તિરાનાની સંસદમાં કરવામાં આવી હતી.

World First AI Minister: અલ્બેનિયા યુરોપિયન યુનિયનમાં જોડાવાની પ્રક્રિયામાં છે

અલ્બેનિયા યુરોપિયન યુનિયનમાં જોડાવાની પ્રક્રિયામાં છે, જેમાં ભ્રષ્ટાચાર એક મોટો અવરોધ છે. સરકારી ટેન્ડરિંગમાં પારદર્શિતા લાવવા અને ભ્રષ્ટાચારને દૂર કરવા માટે ડિએલાની નિમણૂક કરવામાં આવી છે. આ નિમણૂક રામા સરકારની ટેકનોલોજીકલ નવીનતા અને ભ્રષ્ટાચાર વિરોધી વ્યૂહરચનાનો એક ભાગ છે.

આ પણ વાંચો: Vote Chori: સવારે 4 વાગ્યે ઉઠો, 36 સેકન્ડમાં બે મતદારોને કાઢી નાખો... રાહુલ ગાંધીએ જણાવી વોટ ચોરીની મોડસ ઓપરેન્ડી