કચ્છમાં સરકારી જમીન વેચવાના મામલામાં પૂર્વ કલેક્ટર પ્રદિપ શર્મા સહિત 2ની ધરપકડ 

કચ્છ જિલ્લાના પૂર્વ કલેક્ટર પ્રદિપ શર્મા સહિત 2 આરોપીની ભુજ સીઆઇડી ક્રાઇમ દ્વારા ધરપકડ કરાઇ છે.

પ્રાપ્ત માહિતી મુજબ કચ્છમાં સરકારી જમીન વેચવાના મામલે ભુજ સીઆઇડી ક્રાઇમમાં ફરિયાદ કરાઇ હતી. ભુજના મામલતદાર કલ્પનાબેન ગોદિયાએ પૂર્વ કલેક્ટર પ્રદિપ શર્મા સહિત 2  આરોપી સામે ફરિયાદ નોંધાવી હતી. જેમાં આજે પ્રદિપ શર્મા અને બિલ્ડર સંજય શાહની ધરપકડ કરાઇ હોવાનું જાણવા મળે છે.

પ્રદિપ શર્મા અને સંજય શાહને આજે સાંજે જ રિમાન્ડ અર્થે કોર્ટમાં રજૂ કરાય તેવી શક્યતા છે. સુત્રોએ કહ્યું કે જમીન મુલ્યાંકન સમયે શરતભંગ છતાં જમીન મંજૂર કરી હોવાનો આરોપ બંને સામે લગાવાયો છે. પ્રદિપ શર્માની ધરપકડ થતાં ખળભળાટ મચી ગયો છે. ભુજમાં સરકારી ખરાબાની જમીન વેચી દીધી હોવાનો આરોપ લગાવાયો છે.

આ પણ વાંચો----ભરૂચ જિલ્લામાં ગણેશોત્સવની રંગત જામી, G-20 થીમ ઉપર તૈયાર કરાયેલા શ્રીજી બન્યા આકર્ષણનું કેન્દ્ર