Ahmedabad : પોલીસ જવાને તત્કાળ  CPR આપી યુવકનો જીવ બચાવ્યો, જુઓVideo 

અમદાવાદ (ahmedabad) રેલવે સ્ટેશન નજીક યુવકની તબિયત અચાનક જ ખરાબ થઇ જતાં સ્થળ પર હાજર પોલીસ જવાન તેની મદદમાં આવ્યો હતો. આ પોલીસ જવાને તાત્કાલિક CPR આપી યુવકનો જીવ બચાવ્યો હતો.

અમદાવાદ રેલવે સ્ટેશન પર બનેલા આ બનાવની મળતી માહિતી મુજબ એક યુવકની તબિયત અચાનક ખરાબ થઇ જતાં તે બેભાન જેવી અવસ્થામાં આવી ગયો હતો જેથી તેના પરિવારજનોમાં ભારે ચિંતા થઇ ગઇ હતી. જો કે આ સમયે પોતાની ડયુટી બજાવી રહેલો એક પોલીસ જવાન તત્કાળ યુવકની મદદ આવ્યો હતો અને યુવકને તાત્કાલિક CPR આપ્યો હતો.પોલીસ જવાનની તાલિમ અને કૂનેહના કારણે એક યુવકનો જીવ બચી ગયો હતો.

આ બાબત અંગે ગૃહ રાજ્ય મંત્રી હર્ષ સંઘવીએ પણ ટ્વિટ કરીને પોલીસ જવાનની કામગિરી બિરદાવી હતી. હર્ષ સંઘવીએ ટ્વિટ કર્યું કે પોલીસ જવાનોને સીપીઆર આપવાની તાલિમ અપાઇ હતી અને આજે આ તાલિમ લાઇફ સેવિંગ સાબિત થઇ છે. ઉલ્લેખનિય છે કે મુશ્કેલીના સમયમાં કોઇને તત્કાલિક સીપીઆરની જરુર પડે તો કેવી રીતે સીપીઆર અપાય તેની પોલીસ જવાનોને તાલિમ અપાઇ હતી. આ તાલિમ આજે કામમાં આવી હતી.

આ પણ વાંચો----INTERNATIONAL LITERACY DAY : ગુજરાતની શાળાઓમાં ધો-1 થી 8માં વિદ્યાર્થીઓનો ડ્રોપઆઉટ રેટ ઘટીને 2.8 ટકા