Jamnagar: 7 મકાન અને 79 દુકાનો તોડવાનું શરુ!, આટલી જમીન ખુલ્લી કરાશે!
Jamnagar મહાનગરપાલિકાએ જકાતનાકાથી સાંઢીયા પુલ સુધીના માર્ગને પહોળો કરવા મેગા ડિમોલિશન શરૂ કર્યું છે. આ કાર્યવાહીમાં કુલ રૂ. 15 કરોડની કિંમતની 52,000 ચોરસ ફૂટ જગ્યા ખુલ્લી કરાશે. બે દિવસમાં 7 મકાનો અને 79 દુકાનો હટાવવાની કાર્યવાહી ચાલી રહી છે, જેનાથી શહેરના આ મુખ્ય માર્ગ પરની ટ્રાફિક સમસ્યા દૂર થશે.
Advertisement
- Jamnagar માં 15 કરોડની જગ્યા ખુલ્લી કરાવવા કાર્યવાહી
- જકાતનાકાથી સાંઢીયા પુલ સુધીના અડચણરૂપ બાંધકામ દૂર
- રસ્તો પહોળો કરવા મહાનગરપાલિકાએ હાથ ધરી કાર્યવાહી
- 7 મકાન અને 79 દુકાનો હટાવવા કાર્યવાહી હાથ ધરાઈ
- બે દિવસમાં કરોડની 52 હજાર ફૂટ જગ્યા ખુલ્લી કરાવાશે
Jamnagar Demolition:જામનગર મહાનગરપાલિકા દ્વારા શહેરના સૌથી વ્યસ્ત ગણાતા જકાતનાકાથી સાંઢીયા પુલ સુધીના માર્ગને પહોળો કરવા માટે મેગા ડિમોલિશન(Demolition)ની કાર્યવાહી હાથ ધરવામાં આવી છે. જાણવા મળ્યું છે કે આ કાર્યવાહીથી કુલ રૂ. 15 કરોડની કિંમતની ૫૨ હજાર ચોરસ ફૂટ જેટલી જમીન ખુલ્લી કરાવવામાં આવશે. શહેરના ટ્રાફિક અને વાહનવ્યવહારને સુગમ બનાવવાના હેતુથી આ માર્ગ પરના અડચણરૂપ બાંધકામોને દૂર કરવાની કામગીરી પૂરજોશમાં ચાલી રહી છે, જેના કારણે સ્થાનિક વેપારીઓ અને રહેવાસીઓમાં ચર્ચાનો વિષય બન્યો છે.
