Rajkot News : વીજ પોલ હટાવવા મુદ્દે ખેડૂતોની આશા બંધાઈ! કૃષિમંત્રી જીતુભાઈ વાઘાણીએ ગોંડલ સંમેલનમાં ખેડૂતોને આપી હૈયાધારણ

Rajkot News : ખેડૂતોની સમસ્યા મુદ્દે કૃષિ મંત્રી જીતુભાઈ વાઘાણીએ તોડ્યું મૌન

ઉલ્લેખનીય છે કે ગોંડલ ખાતે યોજાયેલા એક કાર્યક્રમમાં કૃષિમંત્રી જીતુભાઈ વાઘાણીએ જણાવ્યું હતું કે, ખેડૂતોના હિતમાંઅને તેમની ખેતીમાં પડતી મુશ્કેલીઓને દૂર કરવી એ સરકારની પ્રાથમિક જવાબદારી છે. ખેતરમાં વીજ પોલ હોવાને કારણે ખેતીકામમાં જે અવરોધ આવે છે, તેને સરકાર સમજે છે. તેમણે તમામ ખેડૂતોને હૈયાધારણ આપતા કહ્યું કે, જે રીતે સરકાર પર ખેડૂતોએ ભરોસો મૂક્યો છે, તે જ વિશ્વાસ સાથે આ સમસ્યાનું વહેલી તકે નિરાકરણ લાવવા માટે સરકાર પૂરેપૂરા પ્રયાસો કરશે.

ખેડૂતોને હૈયાધારણ આપતા મંત્રીએ કહ્યું, વિશ્વાસ સાથે ઉકેલ લાવીશું

મહત્વનું છે કે કૃષિમંત્રી જીતુભાઈ વાઘાણીએ કહ્યું હતું કે ખેડૂતોના પ્રશ્નોના નિરાકરણ માટે વિભાગીય અધિકારીઓ સાથે ચર્ચા કરવામાં આવી છે. આ માત્ર વાયદો નથી પરંતુ ખેડૂતોની વેદનાને વાચા આપીને તેનો કાયમી માર્ગ શોધવાનો સરકારે પ્રયાસ હાથ ધર્યો છે. મંત્રીના આ નિવેદન બાદ સ્થાનિક ખેડૂતોમાં આશાનું નવું કિરણ જાગ્યું છે અને હવે તેમને વહેલી તકે આ સમસ્યામાંથી મુક્તિ મળશે તેવી અપેક્ષા છે.

આ પણ વાંચો : Vadodara bomb threat news : મહાનગરપાલિકાને બોમ્બથી ઉડાવી દેવાની ધમકી, 'ખાલિસ્તાની' નામે મેઈલ મળતા ખળભળાટ