લાંબા સમય સુધી દશરથ ન આવતા હરેશભાઈએ ફોન કર્યો તો બંધ આવતો હતો. જેના પગલે હરેશભાઈ એ તેના ઘરે તપાસ કરી તો તે મળી આવ્યો ન હતો. આ અંગે હરેશભાઈ એ વસ્ત્રાપુર પોલીસ સ્ટેશનમાં કારીગર દશરથ વિરૂદ્ધમાં ચોરીની ફરિયાદ નોંધાવી છે.
SS ડિવાઇન સ્કૂલમાં ચોરીની ઘટના સામે આવી
અમદવાદના સ્વામી સહજાનંદ ટ્રસ્ટ દ્વારા સંચાલિત SS ડિવાઇન સ્કૂલમાં ચોરીની ઘટના સામે આવી છે. સ્કુલનું અગાઉ સંચાલન કરતા નિર્માણ સ્કૂલના કર્મચારીઓએ જ SS ડિવાઇન સ્કૂલમાં વિદ્યાર્થીઓના એલસી અને માર્કશીટ સહિતના મહત્વના ડોક્યુમેન્ટની ચોરી કરી છે જે અંગેના સીસીટીવી ફૂટેજ પણ છે. સહજાનંદ ટ્રસ્ટે સોલા પોલીસે સ્ટેશનમાં ફરિયાદ કરી છે.
પતિના મોબાઈલ ફોનમાંથી અન્ય મહિલાનો પ્રેગ્નન્સી રિપોર્ટ મળ્યો
અમદાવાદના વેજલપુર વિસ્તારમાં રહેતી મહિલાએ પોતાના પતિ પિયુષ વિરુદ્ધ ઘરેલુ હિંસા, દહેજની માંગણી, મારઝૂડ અને અન્ય મહિલાઓ સાથેના સંબંધો સહિતના ગંભીર આક્ષેપો સાથે વેજલપુર પોલીસ સ્ટેશનમાં ફરિયાદ નોંધાવી છે. મહિલાના લગ્ન વર્ષ 2007માં સમાજના રીતરીવાજ મુજબ વડોદરામાં રહેતા પિયુષ સાથે થયા હતા.
લગ્નના ગણતરીના દિવસોમાં જ મહિલાને પતિના મોબાઈલ ફોનમાંથી અન્ય મહિલાનો પ્રેગ્નન્સી રિપોર્ટ મળી આવ્યો હતો. આ અંગે પૂછપરછ કરતાં પિયુષ ઉશ્કેરાઈ ગયો હતો અને પત્ની સાથે મારઝૂડ શરૂ કરી દીધી હતી.
વ્યાજખોરને 7 વર્ષ કેદની સજા ફટકારી કોર્ટે
વર્ષ 2001માં વ્યાજખોરી, ગેરકાયદેસર ધાક-ધમકી અને ખંડણીના એક કેસમાં એડિશનલ ચીફ જ્યુડિશ્યલ મેજિસ્ટ્રેટે આરોપીને 7 વર્ષ કેદની સજા ફટકારી છે. કેસને વિગતે જોતા વર્ષ 2000 માં આરોપીએ ફરિયાદી બંકીમ બ્રહ્મભટ્ટને 4 ટકાના માસિક વ્યાજે 10 લાખનું ધિરાણ કર્યું હતું. જેમાંથી 40 હજાર વ્યાજ પેટે એડવાન્સ કાપીને 9.60 લાખ રોકડા આપ્યા હતા.
આ પણ વાંચો : Gujarat Police Exam : લોકરક્ષક દળની ભરતી માટે યુવાનોની અગ્નિપરીક્ષા, ઉમેદવારોનું AI અને ફેશિયલ રેકોગ્નિશનથી થશે વેરિફિકેશન
