Ahmedabad Fire : વૃંદાવન હોસ્પિટલમાં ભીષણ આગ, 8 બાળકોનું રેસ્ક્યુ!

• Ahmedabad Fire : વૃંદાવન હોસ્પિટલમાં આગ : ફાયર બ્રિગેડની ઝડપી કાર્યવાહી, 8 નાના બાળકો સુરક્ષિત!
• કોચરબ આશ્રમ પાસે આગની લપટો : અમદાવાદની હોસ્પિટલમાં ભયાનક દુર્ઘટના

Ahmedabad Fire : શહેરના પાલડી વિસ્તારમાં આજે સવારે એક ભયાનક દુર્ઘટના બની છે. કોચરબ આશ્રમની સામે આવેલી વૃંદાવન હોસ્પિટલમાં અચાનક આગ ભભૂકી ઊઠી હતી! આગની લપટો અને ધુમાડાના કારણે આખું વિસ્તારમાં ડરનો માહોલ છવાયો હતો. પરંતુ ફાયર વિભાગની ઝડપી અને હિંમતભરી કાર્યવાહીએ આ દુર્ઘટનાને ત્રાસદીમાં બદલાતા રોકી દીધી છે. અંદાજે 8 નાના બાળકોને બચાવીને સુરક્ષિત કરવામાં આવ્યા છે. હાલમાં કોઈ જાનહાનિના સમાચાર નથી. આ ઘટના અમદાવાદના રહેવાસીઓમાં ભય અને રાહત બંનેની લાગણી જગાડી છે.

Ahmedabad Fire - 8 બાળકોની હોસ્પિટલમાં આગ લાગતા અફરાતફરી

પ્રાથમિક તપાસ અનુસાર, આગનું કારણ ઇલેક્ટ્રિકલ શોર્ટ સર્કિટ હોવાનું માનવામાં આવે છે. વૃંદાવન હોસ્પિટલ જે પાલડીના વ્યસ્ત વિસ્તારમાં આવેલી છે અને મુખ્યત્વે બાળકો અને મહિલાઓની સારવાર માટે જાણીતી છે, તેમાં તે સમયે લગભગ 50થી વધુ દર્દીઓ હતા. આગ વેઇટિંગ એરિયા અને વોર્ડ્સ તરફ ફેલાતાં હોસ્પિટલના સ્ટાફે તાત્કાલિક એલાર્મ વગાવ્યો અને દર્દીઓને બચાવવાની કોશિશ શરૂ કરી હતી.

આ પણ વાંચો- Vadodara: માંજલપુર હોરીઝોન કોમ્પ્લેક્સ પાસે દારૂડિયાએ મચાવ્યું તોફાન

ફાયર વિભાગની ટીમ આગની જાણ થતાં જ ઝડપીમાં ઝડપી ઘટનાસ્થળ પર પહોંચી ગઈ હતી. અમદાવાદ ફાયર કંટ્રોલ રૂમને કોલ આવતાં જ 3 ફાયર એન્જિન અને 2 રેસ્ક્યુ વાન પહોંચી ગઈ હોવાની માહિતી સામે આવી રહી છે. મળી રહેલી જાણકારી અનુસાર, ફાયર વિભાગની ટીમે આગ ઉપર કંટ્રોલ કરવા માટે ઝંઝૂમવું પડ્યું હતું. પરંતુ થોડી જ કલાકોમાં આગ ઉપર કંટ્રોલ કરી લેવામાં આવ્યું હતું. હોસ્પિટલમાં વધારે ધૂમાડો ફેલાયો હોત તો બાળકોને વધારે મુશ્કેલી પડી ગઈ હોત પરંતુ ફાયર બ્રિગેડની ટીમે સાવચેતીપૂર્વક કામ કરીને આગ ઉપર કંટ્રોલ કરવાની સાથે-સાથે 8 બાળકોને રેસ્ક્યૂ પણ કરી લીધા હતા.

ફાયરમેનોની આ કાર્યવાહીની હોસ્પિટલ અને આસપાસના રહેવાસીઓ સહિત દર્દીઓ પેટભરીને વખાણ કરી રહ્યાં હોવાની પણ માહિતી સામે આવી રહી છે.

આ પણ વાંચો- Vadodara : ક્રાઇમ બ્રાન્ચે રીઢો ચોર ઝડપ્યો, iPhone, સોનું-પ્લેટિનમના દાગીના રિકવર