Ahmedabad RathYatra 2026 : સ્માર્ટ પોલીસિંગ, ફેસ રેકગ્નિશન સિસ્ટમ અને AI ટેકનોલોજીનો ઉપયોગ

31 હજાર પોલીસકર્મી ખડેપગે, સ્માર્ટ પોલીસ-AI ટેકનો ઉપયોગ

માહિતી અનુસાર, રથયાત્રા પર્વને (Ahmedabad RathYatra 2026) ધ્યાનમાં રાખીને તે દિવસે 31 હજાર જેટલા પોલીસ કર્મચારી ખડેપગે રહેશે. રથયાત્રામાં ઉચ્ચ અધિકારી જેમ કે 10 IG, 42 DCP, 88 ACP તૈનાત રહેશે. જ્યારે 800 થી વધુ PI ને પણ જવાબદારી સોંપાઈ છે. ઉપરાંત, મિલેટ્રી અને પેરામિલ્ટ્રીની ટીમોને પણ રથયાત્રામાં જવાબદારી આપવામાં આવી છે. માહિતી અનુસાર, 59 નાકા પોઇન્ટ બનાવ્યા છે, જ્યાં ચેકિંગ કરવામાં આવશે. રથયાત્રાના દિવસે સ્માર્ટ પોલીસ અને AI ટેકનો ઉપયોગ કરાશે. જે હેઠળ 65000 વધુ ડેટાબેઝ ધરાવતું ફેસ રેકગ્નિશન સિસ્ટમ (Face Recognition System) કાર્યરત કરવામાં આવી છે, જેનાથી અસમાજિક તત્વો પકડવામાં સરળતા રહેશે.

100 થી વધુ ડ્રોનથી સર્વેલન્સ, 3300 CCTV કેમેરા લગાવાયા

ઉપરાંત, રથયાત્રામાં (Ahmedabad RathYatra 2026) ગજરાજ પર ડેસિબલ મીટર લગાવાશે. 100 થી વધુ ડ્રોનથી સર્વેલન્સ કરવામાં આવશે, જ્યારે સમગ્ર રૂટ પર 3300 જેટલા CCTV કેમેરા લગાવવામાં આવ્યા છે. એન્ટી ડ્રોન સિસ્ટમનો પણ ઉપયોગ કરવામાં આવશે. આ સાથે જ્યાં સુધી ગજરાજ પસાર ન થાય ત્યાં સુધી ડીજે નહીં વગાડવા અપીલ પણ કરવામાં આવી છે.

પૂર્વ ગૃહમંત્રી પ્રદીપસિંહ જાડેજાએ ભગવાનના દર્શન કર્યા

પૂર્વ ગૃહમંત્રી અને વરિષ્ઠ નેતા પ્રદીપસિંહ જાડેજા (Pradeepsinh Jadeja) આજે અમદાવાદના જગન્નાથ મંદિર પહોંચ્યા હતા અને ભગવાન જગન્નાથજીના દર્શન કર્યા હતા. તેમણે ભગવાનની આરતી ઉતારી વિશ્વ કલ્યાણની પ્રાર્થના કરી હતી. અમદાવાદમાં ગુરુવારે ભગવાન જગન્નાથની ભવ્ય રથયાત્રા નીકળશે. 19 કિમી લાંબી આ રથયાત્રાને લઈ ચુસ્ત પોલીસ બંદોબસ્ત પણ કરવામાં આવ્યા છે.

આ પણ વાંચો - Ahmedabad Jagannath Rath Yatra 2026: ભગવાન જગન્નાથના દરબારમાં હર્ષભાઈ સંઘવી, પ્રભુની પૂજા કરી કર્યું ભવ્ય ધ્વજારોહણ

આ પણ વાંચો - રથયાત્રાની સુરક્ષા માટે નાયબ મુખ્યમંત્રી હર્ષભાઇ સંઘવી એક્શન મોડમાં: જગન્નાથ મંદિરથી સરસપુર સુધી રૂટનું કર્યું ગ્રાઉન્ડ નિરીક્ષણ