Ahmedabad: ઘરેથી નોકરી પર જતા સમયે રોકીને હુમલો કર્યો
મળતી માહિતી મુજબ મજૂર ગામની બાલમુકુંદ સોસાયટી (Balmukund Society) માં રહેતા જયવર્ધનભાઈ પરમાર (Jayvardhanbhai Parmar) શાહીબાગ પોલીસ હેડ ક્વાર્ટર (Shahibaug Police Headquarters) માં પોલીસ કોન્સ્ટેબલ (Police Constable) તરીકે ફરજ બજાવે છે. ગત 2 માર્ચના રોજ તેઓ પોતાની નિયમિત ફરજ પર હતા. બપોરે 2 વાગ્યે રિસેસના સમયે તેઓ ઘરે જમવા માટે આવ્યા હતા. જમ્યા બાદ પોણા ત્રણ વાગ્યાની આજુબાજુ જ્યારે તેઓ ફરી નોકરી પર જવા નીકળ્યા, ત્યારે એકતા નગરની ચાલી પાસે સ્થાનિક શખ્સ ભાવેશ રાઠોડ (Bhavesh Rathore) એ તેમને અટકાવ્યા હતા.
Ahmedabad: 'તું અમારા ધંધાની બાતમી કેમ આપે છે?' કહી વિવાદ છેડ્યો
ભાવેશ રાઠોડે કોન્સ્ટેબલ જયવર્ધનભાઈને ઉભા રાખીને ધમકાવવાનું શરૂ કર્યું હતું. તેણે આક્ષેપ કર્યો કે, "તું અમારા ધંધાની બાતમી પોલીસને કેમ આપે છે?" જયવર્ધનભાઈએ સમજાવવાનો પ્રયત્ન કર્યો હતો કે તેઓ કોઈ બાતમી આપતા નથી અને તેમને તેમના ધંધા વિશે કોઈ લેવાદેવા નથી. જોકે, ઉશ્કેરાયેલા ભાવેશે તેના ભાઈ પિયુષ ઉર્ફે પેપ્સી રાઠોડ (Piyush alias Pepsi Rathore) અને મિત્ર દિવ્યાંગ (Divyang) ને બોલાવી લીધા હતા.
ત્રણ શખ્સોએ ભેગા મળી માથામાં લાકડીઓ ફટકારી
આ ત્રણેય શખ્સોએ એકસંપ થઈને પોલીસ કોન્સ્ટેબલ પર હુમલો કર્યો હતો. ગાળાગાળી કરી લાકડાના ડંડા વડે કોન્સ્ટેબલના માથાના ભાગે અને શરીરે નિર્મમ માર માર્યો હતો. બુમાબુમ થતા આસપાસના લોકોના ટોળા એકઠા થઈ ગયા હતા, જેને જોઈ ત્રણેય આરોપીઓ ઘટનાસ્થળેથી ફરાર થઈ ગયા હતા. લોહીલુહાણ હાલતમાં કોન્સ્ટેબલને તાત્કાલિક સારવાર અર્થે એલ.જી. હોસ્પિટલ (L.G. Hospital) ખસેડવામાં આવ્યા હતા.
આ પણ વાંચોઃ Rajkot Accident: મેટોડા GIDC પાસે ગંભીર અકસ્માત, ટ્રકે રિક્ષાને લીધી અડફેટે, 4 લોકોના મોત
મુખ્ય આરોપી 'પેપ્સી' અગાઉના ગુનાઓમાં સંડોવાયેલો
કાગડાપીઠ પોલીસે આ મામલે ગુનો નોંધી તપાસ હાથ ધરી હતી. પોલીસ તપાસમાં બહાર આવ્યું છે કે મુખ્ય આરોપી પિયુષ ઉર્ફે પેપ્સી અગાઉ પણ અનેક ગુનાહિત પ્રવૃત્તિઓમાં સામેલ છે. તેની વિરુદ્ધ પ્રોહિબિશન (Prohibition) ના 6 ગુના અને મારામારીનો 1 ગુનો અગાઉથી નોંધાયેલો છે. અગાઉ પિયુષ વિરુદ્ધ થયેલી પોલીસ કાર્યવાહીમાં જયવર્ધનભાઈએ બાતમી આપી હોવાની અદાવત રાખીને આ હુમલો કરવામાં આવ્યો હતો.
![AHMEDABAD 3 ACCUSE_ARREST_ ATTACKPOLICECASE_GUJARATFIRST.11]()
પોલીસે ત્રણેય આરોપીઓની ધરપકડ કરી
પોલીસ પર થયેલા હુમલાની ઘટનાને ગંભીરતાથી લઈને કાગડાપીઠ પોલીસે તાત્કાલિક કાર્યવાહી કરી છે. પોલીસે મુખ્ય આરોપી પિયુષ ઉર્ફે પેપ્સી, ભાવેશ રાઠોડ અને દિવ્યાંગની ધરપકડ કરી લીધી છે. ધરપકડ કરાયા બાદ આરોપીઓને શહેરમાં ફેરવવામાં આવ્યા હતા. હાલમાં ત્રણેય વિરુદ્ધ કાયદેસરની કાર્યવાહી હાથ ધરીને વધુ તપાસ શરૂ કરવામાં આવી છે.
આ પણ વાંચોઃ US-Israel Iran War Impact: દુબઈ-અબુધાબીમાં 3 હજાર ગુજરાતીઓ ફસાયા! 1500 એ બુકિંગ રદ કર્યું
