RSS-BJP પાકિસ્તાનમાં તોફાન કરાવી રહ્યા છે : પાકિસ્તાનનો આરોપ

પાકિસ્તાનમાં ઈમરાન ખાનની ધરપકડ બાદ દેશમાં સ્થિતિ બગડી ગઈ છે. પીટીઆઈ સમર્થકોએ પાકિસ્તાનના ઘણા શહેરોમાં હંગામો શરૂ કર્યો. આ દરમિયાન 19 લોકોના મોત થયા છે. શાહબાઝ શરીફની સરકાર પરિસ્થિતિને સંભાળવામાં નિષ્ફળ સાબિત થઈ છે. દરમિયાન, પાકિસ્તાનના પીએમ શાહબાઝ શરીફના વિશેષ સહાયક અત્તા તરારએ દાવો કર્યો છે કે આરએસએસ અને ભાજપ દ્વારા મોકલવામાં આવેલા લોકો પાકિસ્તાનમાં તોડફોડ અને આગચંપી કરી રહ્યા છે.

પીએમ શાહબાઝ શરીફના ખાસ મદદનીશ અત્તા તરરે 10 મેના રોજ મીડિયા બ્રીફિંગમાં કહ્યું હતું કે જેઓ તોડફોડ કરી રહ્યા છે અને આગ લગાવી રહ્યા છે. આ તમામ લોકો ભારતમાંથી આવ્યા છે. આ લોકોને RSS અને BJP દ્વારા મોકલવામાં આવ્યા છે. ઈમરાન ખાનની ધરપકડ પાછળ RSS અને BJP સાથે જોડાયેલા લોકોનો હાથ છે. આ ઘટના બાદ ભારતમાં ઉજવણી કરવામાં આવી હતી. આરએસએસ અને ભાજપે તેની ઉજવણી કરી છે.

અત્તા તરારે કહ્યું કે પાકિસ્તાનમાં શું થઈ રહ્યું છે તેના સંદર્ભમાં ભારતમાં મીઠાઈઓ વહેંચવામાં આવી હતી. બધું RSSના ઈશારે થયું છે. ઈમરાન ખાનની ધરપકડ બાદથી દેશભરમાં વ્યાપક અશાંતિ અને હિંસક અરાજકતા ફેલાઈ ગઈ છે.

વિરોધીઓએ રાવલપિંડીમાં જનરલ હેડક્વાર્ટર (GHQ) તરફ જતા રસ્તાઓ પર ઝાડીઓ સળગાવી, ટાયર સળગાવી અને ઇંટો અને બ્લોક્સ ફેંક્યા, જ્યારે અન્ય લોકોએ GHQ ના મુખ્ય દરવાજા પર પથ્થરો અને ઇંટો ફેંકી. ઈસ્લામાબાદ, લાહોર, કરાચી, પેશાવર અને દેશભરના અન્ય મોટા શહેરોમાં, પીટીઆઈ સમર્થકોએ તેમનો ગુસ્સો દર્શાવવા માટે મુખ્ય માર્ગો બંધ કરી દીધા હતા.

પાકિસ્તાન તહરીક-એ-ઈન્સાફ (પીટીઆઈ)ના સમર્થકોનો ગુસ્સો સૈન્ય સાથે સંકળાયેલા અધિકારીઓ પર વધુ ફાટી નીકળ્યો હતો. તેઓએ તેમના ઘરોને આગ લગાડી. આ સિવાય તેમની ઓફિસને પણ આગ લગાવી દેવામાં આવી હતી.પાકિસ્તાનના કોર્પ્સ કમાન્ડરના ઘરમાં તોડફોડ કરી. ઘરોમાં રાખેલ સામાનની પણ ચોરી કરી હતી. પીટીઆઈના માણસોએ રાવલપિંડીના સૈન્ય-નિયંત્રિત વિસ્તારોમાં GHQ તરફ કૂચ કરવાનું શરૂ કર્યું, લાહોરમાં કોર્પ્સ કમાન્ડરનું ઘર અને અન્ય સૈન્ય-સંચાલિત વિસ્તારોમાં. આ દરમિયાન તેઓએ રસ્તા પર પાર્ક કરેલા વાહનોને આગ ચાંપી દીધી હતી.

આ પણ વાંચો---ઈમરાન ખાનના સમર્થકોએ પાક પીએમના ઘર પર હુમલો કર્યો, પેટ્રોલ બોમ્બ ફેંક્યા