100 આંતરરાષ્ટ્રીય-આંતરરાજ્ય નેટવર્ક તોડવાનો લક્ષ્યાંક
આગામી ત્રણ વર્ષ દરમિયાન 100 આંતરરાષ્ટ્રીય અને આંતરરાજ્ય ડ્રગ્સ નેટવર્કને ધ્વસ્ત કરવાનો લક્ષ્યાંક નક્કી કરવામાં આવ્યો છે. સાથે જ નાર્કોટિક્સ કેસોમાં ફરાર 100 આરોપીઓને વિદેશમાંથી ભારત પરત લાવવાની દિશામાં પણ કાર્યવાહી કરવામાં આવશે. ડ્રગ્સના સપ્લાય નેટવર્કની સાંકળ તોડવા માટે વિવિધ એજન્સીઓ વચ્ચે સંકલન વધારવામાં આવશે.
Advertisement ![Navratri Banner]()
100 ગેરકાયદે ડ્રગ્સ લેબોરેટરી બંધ કરાશે
કેન્દ્ર સરકારનો વધુ એક મોટો ટાર્ગેટ આગામી ત્રણ વર્ષમાં 100 ગેરકાયદે ડ્રગ્સ લેબોરેટરીઓને બંધ કરવાનો છે. ડ્રગ્સનું ઉત્પાદન જ્યાં થાય છે ત્યાં સુધી પહોંચીને કાર્યવાહી કરવા પર ખાસ ભાર મૂકવામાં આવશે. આ માટે કેન્દ્ર અને રાજ્યની તપાસ તથા અમલીકરણ એજન્સીઓ સંયુક્ત રીતે કાર્યવાહી કરશે.
નાણાકીય ટ્રેલની પણ કડક તપાસ
ડ્રગ્સના ધંધા પાછળ રહેલા નાણાકીય નેટવર્ક પર પણ સરકારની નજર રહેશે. નાર્કોટિક્સ કેસોમાં આર્થિક લેવડદેવડ અને Money Trail ની કડક તપાસ કરવામાં આવશે. ડ્રગ્સના વેપારમાંથી કમાયેલા નાણાં ક્યાં જાય છે અને તેમાં કોણ-કોણ સામેલ છે, તે શોધવા માટે નાણાકીય તપાસને વધુ મજબૂત બનાવાશે.
એરપોર્ટ-કાર્ગો ટર્મિનલ પર વધશે નજર
ડ્રગ્સની હેરાફેરી રોકવા માટે એરપોર્ટ અને કાર્ગો ટર્મિનલ પર Risk-Based Scanning અને Surveillance વધારવામાં આવશે. શંકાસ્પદ માલસામાન અને હેરાફેરીની પદ્ધતિઓને ઓળખવા માટે ટેક્નોલોજી આધારિત તપાસ પર ભાર મૂકવામાં આવશે. NCB, DRI, CBI અને ED સહિતની એજન્સીઓ વચ્ચે વધુ સઘન સંકલન કરવામાં આવશે.
દરેક એજન્સીને ટાર્ગેટ, દર 3 મહિને સમીક્ષા
ડ્રગ્સ વિરોધી અભિયાનમાં દરેક એજન્સીને ચોક્કસ ટાર્ગેટ અને ત્રિમાસિક સમયમર્યાદા આપવામાં આવશે. કામગીરીની દર ત્રણ મહિને સમીક્ષા કરવામાં આવશે. એટલે કે માત્ર કાર્યવાહી જ નહીં, પરંતુ નક્કી કરાયેલા લક્ષ્યાંકો કેટલા હાંસલ થયા તેની પણ નિયમિત સમીક્ષા થશે.
2047 સુધી ડ્રગ્સમુક્ત યુવા શક્તિનું લક્ષ્ય
કેન્દ્ર સરકારનો લાંબા ગાળાનો સંકલ્પ 2047 સુધી વિકસિત ભારત માટે ડ્રગ્સમુક્ત યુવા શક્તિ તૈયાર કરવાનો છે. આંતરરાષ્ટ્રીય સહયોગ વધારવા માટે અત્યાર સુધીમાં 46 દેશો સાથે કરારો પર હસ્તાક્ષર કરવામાં આવ્યા છે. ‘નશા મુક્ત ભારત અભિયાન’ હેઠળ અત્યાર સુધીમાં 25 કરોડ નાગરિકોને જોડવામાં આવ્યા હોવાનો પણ ઉલ્લેખ કરવામાં આવ્યો છે.
આ પણ વાંચોઃ Kutch News: કફ સીરપની આડમાં નશાનો ખેલ, બોટલો જોઈ પોલીસ પણ ચોંકી!
