Amreli : AAP નેતા ગોપાલ ઇટાલિયાની જનસભા : પોલીસ પર ભાજપની "દલાલી"નો આરોપ

ગોપાલભાઈ ઈટાલિયાએ જણાવ્યું કે, પોલીસ ભાજપના ખોળામાં બેઠી છે, અને 2027માં તે જતી રહેશે. ગોપાલભાઈ ઈટાલીયાએ પોલીસ અને સરકાર પર પ્રહાર કરતાં કહ્યું કે, પોલીસ ભાજપની દલાલી કરે છે." જોકે, જનસભાને બંધ રાખવી પડી હતી. વરસાદને કારણે આગામી જનસભાઓ પછીના દિવસોમાં યોજવાનું નક્કી કરવામાં આવ્યું હોવાની માહિતી આપવામાં આવી છે.

ગોપાલભાઈ ઇટાલિયાએ પોતાની યુવા જનસભા પહેલા પાયલ ગોટીને મળ્યા જે અમરેલીના લેટર કાંડમાં પીડિતા છે. પાયલે પોલીસ પર માર મારવાના આરોપો લગાવ્યા અને ગોપાલે તેમની વ્યથાઓ સાંભળીને કહ્યું, "આવા કેસોમાં પોલીસ અને ભાજપની સાંઠગાંઠ સ્પષ્ટ છે. પાયલ જેવી દીકરીઓને ન્યાય મળે તે માટે AAP લડશે."

જનસભામાં ગોપાલભાઈ ઇટાલિયાએ પોલીસ અને ભાજપ પર તીખા પ્રહારો કર્યા, કહ્યું, "પોલીસ અને ભાજપના નેતાઓએ એક ગેંગ બની ગઈ છે, જે દરેક જિલ્લામાં સક્રિય છે. પોલીસ ભાજપના ખોળામાં બેઠા છે, અને 2027માં તે નીકળી જશે. પોલીસ ભાજપની દલાલી કરે છે." તેમણે પાયલ ગોટી કેસનો ઉલ્લેખ કરતા કહ્યું, "પાયલને પોલીસે માર માર્યા અને તેના પછી પણ કોઈ કાર્યવાહી નથી. આ ભાજપની રાજનીતિ છે." તેમણે જણાવ્યું વરસાદને કારણે આગામી જનસભાઓ પછીના દિવસોમાં યોજાશે.

આ પણ વાંચો- Gujarat : બે અલગ અકસ્માતોમાં પાંચ લોકોના મોત, અમદાવાદ-ભાવનગર હાઈવે અને કચ્છ ભચાઉમાં હાહાકાર