Amreli: મીઠાપુર ડુંગરી ગામમાં ફાયર વિભાગ બન્યું દેવદૂત, પૂરના પાણીમાં ફસાયેલા 46 લોકોનું રેસ્ક્યુ

દિલધડક બચાવ કામગીરી

વરસાદનું પાણી ગામમાં ઘૂસી જતાં 46 જેટલા લોકો ફસાયા હોવાની માહિતી મળતા જ તંત્ર હરકતમાં આવ્યું હતું. જિલ્લા કલેક્ટર વિકલ્પ ભારદ્વાજની સૂચનાથી ફાયર વિભાગની ટીમ ત્વરિત ઘટનાસ્થળે પહોંચી હતી. પૂરના પાણીનો પ્રવાહ અને પાણીની ઊંડાઈ વધુ હોવાથી આ ઓપરેશન અત્યંત પડકારજનક હતું. ફાયર વિભાગના જવાનોએ કલાકો સુધી સતત જહેમત ઉઠાવીને તમામ ગ્રામજનોને બોટ અને અન્ય સાધનોની મદદથી સુરક્ષિત રીતે બહાર કાઢ્યા હતા.

Amreli:  ગ્રામજનોએ તંત્રનો આભાર માન્યો

આ સફળ ઓપરેશન બાદ ગ્રામજનોએ તંત્રનો આભાર માન્યો હતો. જિલ્લા કલેક્ટર દ્વારા અત્યારે પણ જિલ્લાની તમામ નદીઓના જળસ્તર પર સતત નજર રાખવામાં આવી રહી છે. લોકોને નદી કિનારાના વિસ્તારોથી દૂર રહેવા અને તંત્રની સૂચનાઓનું પાલન કરવા કલેક્ટરે ફરી એકવાર અપીલ કરી છે. સમગ્ર જિલ્લામાં અત્યારે વહીવટી તંત્ર સાબદું બન્યું છે.

આ પણ વાંચો: Surat: જસ્ટ ડાયલ પર ખોટી જાહેરાત આપી ઠગાઈ, ખોટા નામે એકાઉન્ટ બનાવી આપતો જાહેરાત