Amreli Heavy Rain: અમરેલીમાં મેઘરાજાનું રૌદ્ર સ્વરૂપ, જાફરાબાદ-રાજુલામાં જળબંબાકાર!

 પાણી ખેતરોમાં ફરી વળ્યા

આ આફત વચ્ચે રાજુલા (Rajula) તાલુકાના ચૌત્રા ગામમાં એક હૃદયદ્રાવક ઘટના સામે આવી છે. ગામની નજીકથી પસાર થતી રાયડી નદી (Raydi River) ના પ્રવાહ વધી ગયો હતો. નદીમાં અચાનક આવેલા ઘોડાપૂરને કારણે પાણી ખેતરોમાં ફરી વળ્યા હતા. આ સમયે ખેતરમાં ચરી રહેલા એક સ્થાનિક પરિવારના 35 જેટલા બકરા નદીના ધસમસતા પ્રવાહમાં તણાઈ ગયા હતા. આ દ્રશ્ય જોઈને ગ્રામજનો સ્તબ્ધ થઈ ગયા હતા અને પશુઓને બચાવવા માટે જીવના જોખમે પાણીમાં કૂદી પડ્યા હતા.

પશુઓને બચાવવા ગયેલા ગ્રામજનો ફસાયા

બચાવ કામગીરી દરમિયાન પણ ભારે મુશ્કેલીઓનો સામનો કરવો પડ્યો હતો. કેટલાક લોકો બકરાને બહાર કાઢવામાં સફળ રહ્યા હતા, પરંતુ પાણીનો પ્રવાહ એટલો તેજ હતો કે પશુઓને બચાવવા ગયેલા ગ્રામજનો પણ પોતે ફસાઈ ગયા હતા. પાણીના વહેણમાં તણાઈ રહેલા લોકોને જોઈને અન્ય લોકોમાં ફફડાટ ફેલાયો હતો. અંતે, મહામુસીબતે અને લાંબી જહેમત બાદ તેમને સુરક્ષિત બહાર કાઢવામાં સફળતા મળી હતી.

Amreli Heavy Rain: અનેક ગામો સંપર્કવિહોણા બન્યા

સૌથી મોટી દુઃખદ બાબત એ છે કે, આવી ગંભીર સ્થિતિ સર્જાયાને બે કલાકથી વધુ સમય વીતી ગયો હોવા છતાં, હજુ સુધી વહીવટી તંત્ર (Local Administration) ની ટીમ કે રેસ્ક્યુ ટીમ ઘટનાસ્થળે પહોંચી નથી. સ્થાનિકો જણાવી રહ્યા છે કે સરકારી મદદના અભાવે તેમણે સ્વયં જ બચાવ કામગીરી હાથ ધરવી પડી છે. અનેક ગામો સંપર્કવિહોણા બન્યા છે અને વીજ પુરવઠો ખોરવાઈ જતા લોકો અંધારામાં અને મુસીબતમાં દિવસ પસાર કરવા મજબૂર બન્યા છે. પ્રશાસનની આ લાપરવાહીને કારણે ગ્રામજનોમાં ભારે રોષ જોવા મળી રહ્યો છે. હાલ તો ગ્રામજનો ભગવાન ભરોસે પોતાના ઘર અને પશુધનને બચાવવા મથામણ કરી રહ્યા છે.

આ પણ વાંચો: T20I Batting Rankings : ICC રેન્કિંગમાં મોટો ઉલટફેર! ઇશાન કિશન બન્યો વિશ્વનો નંબર-1 T20 બેટ્સમેન