અમરેલી SOG નો સપાટો : લાઠીના કેરાળામાંથી ગાંજાનું વાવેતર ઝડપાયું! ₹78 લાખનો મુદ્દામાલ જપ્ત

• "અમરેલી SOG નો દરોડો : લાઠીમાં 78 લાખનું ગાંજાનું વાવેતર ઝડપાયું!"
• "કેરાળાની વાડીમાંથી 155 કિલો ગાંજો ઝડપાયો, આરોપી ઝડપાયો"
• "લાઠી પંથકમાં SOGનો સપાટો : ગાંજાના 48 છોડ સાથે આરોપી ઝડપાયો"
• "78 લાખનો ગાંજો અને આરોપી ઝડપાયો : અમરેલી SOGની મોટી કાર્યવાહી"
• "લાઠીના ખેતરમાં ગાંજાનું વાવેતર : SOGએ આરોપીને દબોચ્યો"

લાઠીમાં SOG નો સપાટો : ગુજરાતમાં પાછલા દિવસોમાં પોલીસે કરોડો રૂપિયાના દારૂના જથ્થાને ઝડપી પાડ્યાના સમાચારો તમે વાંચ્યા હશે. પરંતુ હવે પોલીસ માટે ગાંજાની ખેતી પણ માથાના દુખાવા સમાન બની છે. ડ્રગ્સ માફિયાઓ બહારથી ગાંજો મંગાવવાની જગ્યાએ ખેતરોમાં જ ગાંજાનું વાવેતર કરીને કરોડો રૂપિયાની કમાણી કરવા માંગી રહ્યાં છે. પરંતુ બીજી તરફ ગાંજાના નશાના કારણે યુવા વર્ગનું જીવન ધૂળ-ધાણી બની રહ્યું છે. તેથી પોલીસે પણ વધારે એક્ટિવ થવું પડી રહ્યું છે. અમરેલીના લાઠીમાં કપાસની આડમાં કરવામાં આવેલી ગાંજાની ખેતી પોલીસે ઝડપી પાડીને આરોપીને પણ જેલના સળીયા ગણતો કરી દીધો છે.

અમરેલીના લાઠી પંથકમાં સ્પેશિયલ ઓપરેશન ગ્રૂપ (SOG)એ મોટી કાર્યવાહી કરીને ગાંજાના વાવેતરનો ભંડાફોડ કર્યો છે. લાઠીના કેરાળા ગામથી મતીરાળાની સીમ વિસ્તારમાં આવેલી એક વાડીમાંથી 48 લીલા ગાંજાના છોડ સહિત કુલ 155 કિલો અને 865 ગ્રામ ગાંજો ઝડપી પાડવામાં આવ્યો છે. આ મુદ્દામાલની કિંમત આશરે 77 લાખ 93 હજાર 250 રૂપિયા જેટલી આંકવામાં આવી છે. આ કાર્યવાહીમાં આરોપી છના હરી પંચાલાને પણ ઝડપી લેવાયો છે.

SOGની ટીમે ગુપ્ત માહિતીના આધારે કેરાળા ગામની આ વાડી પર દરોડો પાડ્યો હતો. જ્યાં આરોપીએ ખેતરમાં મોટા પાયે ગાંજાનું વાવેતર કર્યું હતું. લીલા ગાંજાના છોડ અને મોટા પ્રમાણમાં ગાંજો જોઈ પોલીસ પણ ચોંકી ગઈ હતી. આરોપીએ ભાગવાનો પ્રયાસ કર્યો પરંતુ SOGની તત્પરતાથી તેને ઝડપી લીધો હતો.

આ ઘટનાએ લાઠી પંથકમાં ખળભળાટ મચાવી દીધો છે. અમરેલી SOGએ આ મામલે વધુ તપાસ હાથ ધરી છે, જેથી ગાંજાના આ ગેરકાયદે વાવેતર સાથે જોડાયેલા અન્ય લોકોનો પણ પર્દાફાશ થઈ શકે છે. આ કાર્યવાહીથી નશીલા પદાર્થોની હેરાફેરી સામે પોલીસની કડક કાર્યવાહીનો સંદેશો પણ સ્પષ્ટ થયો છે.

આ પણ વાંચો- Rajkot : શું સિવિલ હોસ્પિટલમાં રાત્રિના થાય છે દારૂ પાર્ટી?