Surat: મંડપના ગોડાઉનમાં લાગી ભીષણ આગ, મોટા નુકસાનની ભીતી!

Fire Incident in Surat:સુરતમાં ફરીએવાર આગ લગાવાની ઘટના બની છે. કતારગામ GIDC વિસ્તારમાં મંડપ ગોડાઉનમાં ભીષણ આગ લાગવની ઘટના બની છે. આરોપ છે કે ગોડાઉન માલિકે પાલિકાની પૂર્વ મંજૂરી વિના જ ગોડાઉન ઉભુ કર્યું છે. લગ્ન મંડપના ગોડાઉનમાં આગ લાગતાં ભાગદોડ મચી ગઈ હતી. પ્રાથમિક માહિતી અનુસારઆ ગોડાઉનમાં લગ્ન પ્રસંગોમાં વપરાતી વસ્તુઓ જેમ કે લાકડાના માળખા, કાપડના પડદા, ડેકોરેશન મટીરીયલ અને અન્ય જ્વલનશીલ સામગ્રીઓનો મોટો જથ્થો સંગ્રહાયેલો હતો. આગ એટલી ઝડપથી ફેલાઈ હતી કે ધુમાડાના ગોટેગોટા દૂર દૂર સુધી દેખાતા હતા.

આગ લાગવાનું કારણ

આગની ઘટના પાછળનું પ્રાથમિક કારણ  ગોડાઉનની પાછળના ઔદ્યોગિક વિસ્તારમાં કચરો બાળવાની પ્રવૃતિ થાય છે.  કચરો બાળવાની આ આગ ધીમે ધીમે મંડપ ગોડાઉન સુધી પહોંચી અને જ્વલનશીલ સામગ્રીના કારણે તેણે વિકરાળ સ્વરૂપ ધારણ કર્યું હતુ. હાલ આગને કાબૂમાં લેવાના પ્રયાસો ચાલુ છે.

Surat પાલિકાની કામગીરી સામે પણ ઉઠ્યા સવાલ

7 વર્ષથી એક ગેરકાયદેસર અને જોખમી માળખું શહેરી વિસ્તારમાં કાર્યરત હોવા છતાં સુરત મહાનગરપાલિકાના ટાઉન પ્લાનિંગ અને ફાયર વિભાગ દ્વારા કોઈ પગલાં કે તપાસ કરવામાં ન આવી તે એક મોટો પ્રશ્ન છે. આક્ષેપ છે કે નિયમિત ઇન્સ્પેક્શનના અભાવે આવી બેદરકારીઓ થઈ રહી છે.