Apple કંપની iPhone 18 ના લોન્ચથી વ્યૂહરચના બદલશે, મોટી અપડેટ સામે આવી
- એપલ કંપની મોટો વ્યૂહાત્મક નિર્ણય લેવા જઇ રહી છે
- કંપની હવે એકસાથે ફોન લોન્ચ નહીં કરે
- આગામી 18 સિરીઝથી આ નવી રીત લાગુ થવાની શક્યતા
Apple iPhone Launch Event Strategy : Apple કંપનીની iPhone 18 સિરીઝના બધા ફોન એકસાથે લોન્ચ ના પણ થાય, Apple iPhone ના લોન્ચિંગ અંગે મહત્વપૂર્ણ સમાચાર સામે આવ્યા છે. Mark Gurman ના અહેવાલ મુજબ, એપલના આઇફોન 18 પ્રો મોડેલ આવતા વર્ષે લોન્ચ થઈ શકે છે, જ્યારે બેઝ આઇફોન 18 મોડેલ 2027 સુધી નહીં આવે. ટેક જાયન્ટ આગામી થોડા વર્ષોમાં સંપૂર્ણપણે નવી હેન્ડસેટ ડિઝાઇન રજૂ કરે તેવી આશા સેવાઇ રહી છે, જેમાં તેનો પહેલો ફોલ્ડેબલ ફોન અને સંપૂર્ણપણે નવા હાઇ-એન્ડ ફોનનો સમાવેશ થાય છે. નોંધપાત્ર રીતે, એપલ તેની લોન્ચ વ્યૂહરચનામાં મોટો ફેરફાર કરવા જઇ રહી છે, કંપની વાર્ષિક ઇવેન્ટને બદલે વર્ષમાં 2-3 અથવા 4-5 ફોન લોન્ચ કરશે. માર્ક ગુરમેને આ પાછળનું કારણ પણ સમજાવ્યું.
Apple is splitting the iPhone release cycle in two - like Samsung does with its devices. Here’s why — with the company nearing 5-6 annual phone releases. https://t.co/HHpazbwpSW
— Mark Gurman (@markgurman) November 16, 2025
18 મી સિરીઝ તબક્કાવાર રીતે લોન્ચ કરાશે
Mark Gurman ને તેમના તાજેતરના ન્યૂઝલેટરમાં જણાવ્યું હતું કે, 2026 માં આઇફોન 18 સિરીઝથી બે તબક્કામાં આઇફોન લોન્ચ થશે. એપલની નવી ફોન રિલીઝ વ્યૂહરચના હેઠળ, આઇફોન 18 પ્રો, આઇફોન 18 પ્રો મેક્સ અને એપલનો પહેલો ફોલ્ડેબલ ફોન 2026 ના સપ્ટેમ્બર અથવા ઓક્ટોબરમાં આવી શકે છે. આ પછી, બાકીના આઇફોન 18 મોડેલો 2027 માં આવી શકે છે, જેમ કે સ્ટાન્ડર્ડ આઇફોન 18, આઇફોન 18E, અને કદાચ આઇફોન એર પણ. આ લોન્ચ માર્ચ અથવા એપ્રિલ 2026 માં થઈ શકે છે.
વાર્ષિક ઇવેન્ટને બદલે લોન્ચ પ્રક્રિયાનું વિભાજન
આ રીતે, દર વર્ષે સપ્ટેમ્બર અથવા ઓક્ટોબરમાં યોજાતા વાર્ષિક ઇવેન્ટને બદલે, એપલ તેના ફોનને લગતા લોકોના ઉત્સાહનો લાભ લેવા માટે, તેના ફોન લોન્ચનું વિભાજન કરી રહ્યું છે. Mark Gurman ના મતે, એપલ તેના સ્માર્ટફોન રિલીઝ શેડ્યૂલ કરવાની રીત બદલવાનું વિચારી રહી છે. આનું કારણ એ છે કે, સપ્ટેમ્બર ક્વાર્ટરમાં વેચાણ દબાણને ટોચ પર પહોંચાડવાની, અને તે પહેલાં લોન્ચ માટે તૈયારી કરવાની એપલની સામાન્ય પ્રથાએ એન્જિનિયરિંગ ટીમો, સપ્લાયર્સ અને માર્કેટિંગ ટીમો પર નોંધપાત્ર તણાવ નાંખે છે.
અચાનક લોન્ચથી બચી શકાશે
આનાથી 2024 માં એપલ ઇન્ટેલિજન્સના અચાનક લોન્ચ જેવી મુશ્કેલીઓ થઈ શકે છે, જેણે વિન્ટર સાયકલ કેટલી વ્યસ્ત બની ગયું છે તે પ્રકાશિત કર્યું હતું. 2026 થી શરૂ થતા લોન્ચ શેડ્યૂલને બે તબક્કામાં ફેલાવીને, એપલ આ ગંભીર અવરોધોને ટાળવાની અને દરેક ઉપકરણ પર વધુ ધ્યાન કેન્દ્રિત કરવાની આશા રાખે છે.
આ પણ વાંચો ----- અંતરિક્ષમાં દેખાઇ લીલા કલરની અદભૂદ Polar Rays, ISS એ શેર કર્યો વીડિયો