Arvalli માં મેઘમહેર, માઝુમ નદીમાં નવા નીરની આવક થતા ચેકડેમ છલકાયા

ચેકડેમ છલકાવાથી સ્થાનિક ખેડૂતોમાં ભારે ઉત્સાહ જોવા મળી રહ્યો છે

ચોમાસાની શરૂઆતમાં જ નદીમાં પાણીની આવક થવી તે ખેતી માટે અત્યંત શુભ સંકેત માનવામાં આવે છે. નદીના જળસ્તરમાં વધારો થતા ભૂગર્ભ જળ પણ રિચાર્જ થશે, જે આવનારા સમયમાં પિયતની સમસ્યાઓ હળવી કરવામાં મોટી મદદરૂપ સાબિત થશે. ખેડૂતોનું માનવું છે કે જો વરસાદનું આ પ્રમાણ જળવાઈ રહેશે, તો આ વર્ષે પાકનું ઉત્પાદન ખૂબ સારું રહેશે.

પશુપાલકો અને સ્થાનિક રહીશોમાં પણ આનંદની લાગણી

ગઈકાલે રાત્રે વરસેલા અનરાધાર વરસાદને પગલે નદીના વહેણમાં વેગ આવ્યો હતો અને પાણીની આવક સતત ચાલુ રહી હતી. નદીમાં પાણી આવતા જ આસપાસના ગામડાઓના લોકો પણ નજારો જોવા માટે નદી કિનારે ઉમટી પડ્યા હતા.

અરવલ્લી જિલ્લામાં ચોમાસાનું ચિત્ર અત્યારે ખૂબ જ આહલાદક બની ગયું છે. ખેતરો હરિયાળા દેખાઈ રહ્યા છે અને જળ સ્ત્રોતો જીવંત થતા વાતાવરણમાં ઠંડક પ્રસરી ગઈ છે. વહીવટી તંત્ર પણ નદીના જળસ્તર પર નજર રાખી રહ્યું છે.

આ પણ વાંચો : Train Cancelled : રેલવે ટ્રેક પર જળ ભરાવો થતા પશ્ચિમ રેલવેની અનેક ટ્રેનો રદ મુસાફરોની મુશ્કેલીમાં વધારો