Asia Cup 2024: પાકિસ્તાન મહિલા ક્રિકેટ ટીમે રચ્યો ઈતિહાસ

Pakistan vs UAE: એશિયા કપ 2024 માં દરરોજ મેચ યોજાઈ રહી છે અને તેની સાથે નવા રેકોર્ડ પણ બનાવવામાં આવી રહ્યા છે. જ્યારે ભારતીય ટીમ તેની બે મેચ જીતીને સેમીફાઈનલની નજીક છે, ત્યારે પાકિસ્તાનની ટીમ (PAKISTAN CRICKET Team)ભલે ભારત સામે હારી ગઈ હોય, પરંતુ આ પછી ટીમ તેની વધુ બે મેચ જીતીને સેમીફાઈનલ તરફ આગળ વધી ગઈ છે. દરમિયાન, મંગળવારે ટીમે એક મોટી સિદ્ધિ મેળવી છે. આજે જે બન્યું તે T20 ફોર્મેટમાં રમાતા એશિયા કપમાં ક્યારેય બન્યું ન હતું. પાકિસ્તાનની મહિલા ટીમે UAEને 10 વિકેટથી હરાવીને ઈતિહાસ રચ્યો છે.

મહિલા એશિયા કપ 2024 T20 ફોર્મેટમાં રમાઈ રહ્યો છે

વિમેન્સ એશિયા કપનો ઈતિહાસ બહુ જૂનો નથી પણ બહુ નવો પણ નથી. તેની શરૂઆત વર્ષ 2004માં કરવામાં આવી હતી. એટલે કે અત્યાર સુધીમાં આઠ એશિયા કપ રમાઈ ચૂક્યા છે. આ વર્ષે નવમી સિઝન ચાલુ છે. એટલું જ નહીં વર્ષ 2012માં પહેલીવાર એશિયા કપ ટી-20 ફોર્મેટમાં શરૂ થયો હતો. T20 એશિયા કપ અત્યાર સુધીમાં ચાર વખત યોજાયો છે, આ તેની પાંચમી આવૃત્તિ છે. પરંતુ આ ચાર સિઝનમાં એવું ક્યારેય બન્યું નથી કે કોઈ ટીમે મેચમાં વિરોધી ટીમને 10 વિકેટથી હરાવ્યું હોય. પાકિસ્તાન હવે પહેલી એવી ટીમ બની ગઈ છે જેણે વિરોધી ટીમને દસ વિકેટથી હરાવ્યું છે. ટીમે UAE દ્વારા આપવામાં આવેલા ટાર્ગેટનો પીછો કર્યા વગર કોઈ પણ જાતની ખોટ કરી શકી નથી. હવે ટીમ સેમીફાઈનલમાં જશે તે સ્પષ્ટ દેખાઈ રહ્યું છે. ભારત અને પાકિસ્તાન એક જ ગ્રુપમાં છે. બે મેચ જીત્યા બાદ પણ પાકિસ્તાન નીચા નેટ રન રેટના કારણે ટીમ ઈન્ડિયાથી પાછળ છે

પાકિસ્તાનની મહિલા ટીમે UAEને  હરાવ્યું

મેચની વાત કરીએ તો મેચમાં પ્રથમ બેટિંગ કરતા UAEની મહિલા ટીમે 20 ઓવરમાં 8 વિકેટ ગુમાવીને 103 રન બનાવ્યા હતા. ટીમનો કોઈપણ બેટ્સમેન અડધી સદી પણ ફટકારી શક્યો નહોતો. ટીમ તરફથી તીર્થ સતીષે સૌથી વધુ રન બનાવ્યા, તેનો સ્કોર 40 રન હતો. ટીમના માત્ર ત્રણ બેટ્સમેન બે આંકડાને પાર કરી શક્યા હતા. આ પછી જ્યારે પાકિસ્તાની બેટ્સમેનો આ ટાર્ગેટનો પીછો કરવા મેદાનમાં ઉતર્યા તો તેઓએ આ ટાર્ગેટ માત્ર 14.1 ઓવરમાં જ કોઈ નુકશાન વિના હાંસલ કરી લીધો અને 10 વિકેટથી મેચ જીતીને ઈતિહાસ રચી દીધો. ગુલ ફિરોઝાએ 55 બોલમાં 62 રનની અણનમ ઇનિંગ રમી હતી. આ દરમિયાન તેણે 8 ચોગ્ગા ફટકાર્યા હતા. જ્યારે મુનીબા અલીએ 30 બોલમાં 37 રનની ઇનિંગ રમી હતી અને તેના બેટમાંથી ચાર ચોગ્ગા આવ્યા હતા. UAEના બોલરો એક પણ વિકેટ લઈ શક્યા ન હતા.

આ પણ  વાંચો  -SRI LANKA ની શ્રેણીમાં JAASPRIT BUMRAH ની ગેરહાજરીને લઈ આવ્યું કારણ સામે

આ પણ  વાંચો  -PARIS Olympics 2024 : ઈતિહાસમાં પહેલીવાર યોજાશે આવી ઓપનિંગ સેરેમની

આ પણ  વાંચો  -ICC:T20 વર્લ્ડકપ 2030માં વધશે ટીમોની સંખ્યા, ICCની બેઠકમાં લેવાયો મહત્વનો નિર્ણય