Bagdana Gurupurnima 2026 : બગદાણામાં ગુરુપૂર્ણિમાનો મહાપર્વ, બાપા સીતારામના જયનાદ સાથે લાખો ભક્તો ઉમટ્યા

ગુરુ પ્રત્યેની અપાર શ્રદ્ધા વ્યક્ત કરવા માટે દૂર-દૂરથી આવેલા શ્રદ્ધાળુઓએ બાપા સીતારામના ચરણોમાં શીશ ઝુકાવી આશીર્વાદ પ્રાપ્ત કર્યા હતા. આ પર્વ નિમિત્તે આશ્રમમાં અદભુત આધ્યાત્મિક વાતાવરણ સર્જાયું હતું, જ્યાં દરેક ભક્ત ભક્તિરસમાં તરબોળ નજરે પડતો હતો.

બગદાણા ખાતે ભક્તિનો મહાસાગર

આ વિશાળ જનમેદનીને ધ્યાનમાં રાખીને આશ્રમ ટ્રસ્ટ અને સ્વયંસેવકો દ્વારા ભક્તોની સુવિધા માટે ઉત્તમ વ્યવસ્થાઓ કરવામાં આવી હતી. આયોજનને સફળ બનાવવા માટે આશરે ૭7 હજારથી વધુ સમર્પિત સ્વયંસેવકોની ટીમ ખડેપગે રહીને સતત સેવા આપી રહી છે.

ટ્રાફિક વ્યવસ્થાપનથી માંડીને દર્શન અને મહાપ્રસાદ વિતરણ સુધીની તમામ જવાબદારીઓ સ્વયંસેવકો દ્વારા ખૂબ જ સુચારુ રીતે સંભાળવામાં આવી હતી. ગુરુપૂર્ણિમાના આ પર્વની વિશેષતા અહીં યોજાતો વિશાળ મહાપ્રસાદ છે. બાપા સીતારામના આશ્રમમાં આવતા કોઈ પણ ભક્તને ભૂખ્યા ન જવું પડે તે માટે અન્નપૂર્ણા ક્ષેત્ર સતત ધમધમતું રહ્યું હતું.

સ્વયંસેવકોની સેવાથી ધન્ય બન્યો આશ્રમ

આ મહાપ્રસાદમાં ભક્તો માટે અંદાજે 5 હજાર કિલો લાડુ, 7 હજાર કિલો ગાંઠિયા અને 10 હજાર કિલો શાકભાજીનો ભોજન રૂપે પ્રસાદ તૈયાર કરવામાં આવ્યો હતો.

હજારો ભક્તોએ એકસાથે બેસીને આ મહાપ્રસાદનો લાભ લીધો હતો. બગદાણા ખાતે ગુરુપૂર્ણિમાની આ ભવ્ય ઉજવણીએ સાબિત કરી દીધું કે બાપા સીતારામ પ્રત્યેની શ્રદ્ધા લોકોના હૃદયમાં અટલ છે. સેવાદર્શન અને ભક્તિના આ અનોખા સંગમે ઉપસ્થિત તમામ ભક્તોના જીવનને ધન્ય બનાવી દીધું હતું.

આ પણ વાંચો : LIVE: Gujarat Latest News : જીવાદોરી સમાન નર્મદા ડેમમાં પાણીનું સ્તર ઉપર આવ્યું, ગુજરાતના 14 ડેમ સંપૂર્ણ છલોછલ

 

View this post on Instagram

 

A post shared by Gujarat First (@gujaratfirst)