Patan: રાધનપુરના MLA લવિંગજી ઠાકોર કાદવમાં ફસાયા, મહામહેનત બાદ સ્થાનિકોએ બહાર કાઢ્યા

ધારાસભ્ય લવિંગજી ઠાકોર કાદવમાં ફસાયા

પ્રાપ્ત વિગતો અનુસાર, સાંતલપુર (Santalpur) તાલુકાના પૂર અસરગ્રસ્ત વિસ્તારની મુલાકાત લેવા માટે ધારાસભ્ય લવિંગજી ઠાકોર (MLA Lavingji Thakor) પોતાના કાફલા અને સ્થાનિક કાર્યકરો સાથે પહોંચ્યા હતા. ભારે વરસાદ અને પૂરની સ્થિતિના કારણે આ વિસ્તારમાં મોટા પાયે પાણી ભરાયા હતા અને રસ્તાઓ સંપૂર્ણપણે ક્ષતિગ્રસ્ત થઈ ગયા હતા. જમીન પર ભારે કાદવ અને કીચડ જામી ગયો હતો, જેના કારણે સામાન્ય નાગરિકો માટે પણ અવરજવર કરવી અત્યંત મુશ્કેલ બની ગઈ હતી.

Banaskantha: કાર્યકરો તાત્કાલિક મદદે દોડી આવ્યા

આ કપરી પરિસ્થિતિ વચ્ચે જ્યારે ધારાસભ્ય (Politician) જનતાની વેદના સાંભળવા અને આગળ વધી રહ્યા હતા, ત્યારે અચાનક તેમનો પગ લપસી ગયો હતો અને તેઓ કાદવમાં ફસાઈ (Stuck In Mud) ગયા હતા. કાદવ એટલો વધારે હતો કે તેઓ જાતે બહાર નીકળવા માટે અસમર્થ બન્યા હતા. આ અણધારી સ્થિતિ જોઈને ત્યાં ઉપસ્થિત સ્થાનિક લોકો અને કાર્યકરો તાત્કાલિક મદદે દોડી આવ્યા હતા.

ઘટનાનો વીડિયો સોશિયલ મીડિયા પર વાયરલ

સ્થાનિક નાગરિકો દ્વારા તાત્કાલિક ધોરણે રેસ્ક્યુ ઓપરેશન (Rescue Operation) હાથ ધરવામાં આવ્યું હતું. મહામહેનત બાદ સ્થાનિક લોકોએ ધારાસભ્ય લવિંગજી ઠાકોરને સુરક્ષિત રીતે કાદવમાંથી બહાર કાઢ્યા હતા. આ ઘટનાનો વીડિયો સોશિયલ મીડિયા પર વાયરલ થતાં જ રાજકીય બેડામાં અને સામાન્ય જનતામાં અનેક પ્રકારની ચર્ચાઓ શરૂ થઈ ગઈ છે. પૂરગ્રસ્ત વિસ્તારોમાં માળખાકીય સુવિધાઓની નબળી હાલત અને વિકાસના દાવાઓની પોલ ખોલતી આ ઘટનાએ પ્રશાસનની કામગીરી સામે પણ મોટા સવાલો ખડા કરી દીધા છે.

આ પણ વાંચો; Kutch માં ભારે વરસાદની આગાહીને પગલે તંત્ર એલર્ટ, NDRF ની ટીમ તૈનાત, નાગરિકોને સતર્ક રહેવા અપીલ

 

View this post on Instagram

 

A post shared by Gujarat First (@gujaratfirst)