Banaskantha : દાંતા ન્યાય મંદિરમાં આરોગ્યનો પગરવ, વકીલો અને પક્ષકારો માટે શરૂ થયું પ્રાથમિક સારવાર કેન્દ્ર

દાંતા પ્રિન્સિપાલ સિવિલ કોર્ટના ન્યાયાધીશ, સરકારી વકીલ સહિત વકીલો મોટી સંખ્યામાં જોડાયા હતા, THO સહિત આરોગ્ય સ્ટાફ પણ હાજર રહ્યા હતા. વકીલો અને સ્ટાફ માટે તાત્કાલિક સારવાર મળી રહેશે જેના કારણે ખુશીનો માહોલ છવાયો હતો.

બનાસકાંઠા કોર્ટમાં આકસ્મિક આરોગ્ય સેવા કેન્દ્ર શરૂ

બનાસકાંઠા જિલ્લામાં આરોગ્ય સેવાઓને વધુ સુદૃઢ અને સુલભ બનાવવાના હેતુથી જિલ્લા કોર્ટ સંકુલ, જોરાવર પેલેસ, પાલનપુર ખાતે પ્રથમવાર “આકસ્મિક આરોગ્ય સેવા કેન્દ્ર” (ઇમરજન્સી મેડીકેર સેન્ટર)નો શુભારંભ કરવામાં આવ્યો છે.

આ કેન્દ્રનું ઉદ્ઘાટન પ્રિન્સિપાલ ડિસ્ટ્રિક્ટ એન્ડ સેશન્સ જજ અમિત કાનાણી અને જિલ્લા વિકાસ અધિકારી એમ.જે. દવેના હસ્તે કરાયું હતું.

ડીસા કોર્ટમાં ગુજરાતનું પ્રથમ આરોગ્ય કેન્દ્ર શરૂ

ડીસા કોર્ટ પરિસરમાં પક્ષકારો અને વકીલો માટે નવનિર્મિત આકસ્મિક આરોગ્ય સેવા કેન્દ્ર અને કેન્ટીનનું ઉદ્ઘાટન કરવામાં આવ્યું છે. નામદાર ગુજરાત હાઈકોર્ટના આદેશ અનુસાર, બનાસકાંઠા ડિસ્ટ્રિક્ટ જજ એ.જે. કાનાણીના હસ્તે આ સુવિધાઓનો પ્રારંભ કરાયો હતો.

આ આરોગ્ય સેવા કેન્દ્ર સમગ્ર ગુજરાતમાં પ્રથમ નંબરનું હોવાનું જણાવાયું છે.

આ પણ વાંચો : Junagadh માં સિંહ બાળની હત્યાના કેસમાં તપાસનો ધમધમાટ, બાવન પુના ચાવડા નામનો વ્યક્તિ વન વિભાગના શંકાના દાયરામાં