Banaskantha : ડીસામાં ઘરમાં ગેસ સિલિન્ડર લીક થતા લાગી આગ, સદનસીબે પરિવાર બચ્યો સુરક્ષિત

ગેસની બોટલ લીકેજ થતાં આગ ભભૂકી ઊઠી

ડીસામાં આજે વહેલી સવારે આગની ઘટના બની હતી, ગેસનો સિલિન્ડર લીકેજ થતા આ આગ લાગી હોવાનું પ્રાથમિક તારણ સામે આવ્યું છે. તો ઘટનાની જાણ થતાની સાથે પોલીસ અને ફાયરની ટીમ સ્થળ પર પહોંચી હતી. ફાયર વિભાગે આગને કાબુમાં લીધી હતી.

પરંતુ આગના કારણે ઘરમાં રહેલી ઘરવખરી બળીને ખાખ થઈ હતી. તો આ ઘટનામાં આસપાસના સ્થાનિકો પણ ઘરની બહાર નીકળી ગયા હતા. આગ લાગતા આસપાસના લોકોમાં અફરાતફરીનો માહોલ સર્જાયો હતો.

નબળી અથવા જૂની રબર ટ્યુબના કારણે લાગી શકે છે આગ

ગેસ સિલિન્ડરમાં આગ લાગવાના મુખ્ય કારણોમાં પાઇપમાં ભંગાણ કે લૂઝ કનેક્શન, રેગ્યુલેટરમાં ખામી, તેલ અથવા ગરમ વાસણોને કારણે રબર ટ્યુબનું પીગળવું, અને ગેસ લીક થતો હોય ત્યારે સળગતી દિવાસળી કે લાઈટરનો ઉપયોગ મુખ્ય છે. આ બેદરકારીથી મોટી દુર્ઘટનાઓ થઈ શકે છે.

આ પણ વાંચો : Rajkot : જન્માષ્ટમીના લોકમેળાને લઈને સૌરાષ્ટ્રવાસીઓ માટે મોટા સમાચાર, સપ્ટેમ્બર મહિનામાં પાંચ દિવસ પડી જશે મજા