Banaskantha : નાસ્તાના ગોડાઉનમાં લાગેલી આગે મચાવી દોડધામ, ફાયર વિભાગે આગને લીધી કાબુમાં

આગ લાગવાનું કારણ અકબંધ

ઘટનાની જાણ થતા જ તાત્કાલિક અસરથી દિયોદર ગ્રામ પંચાયતની ટીમ ફાયર ફાઈટિંગના સાધનો સાથે ઘટનાસ્થળે દોડી આવી હતી. ગ્રામ પંચાયતની ટીમે સમય સૂચકતા વાપરીને પાણીનો મારો ચલાવવાનું શરૂ કર્યું હતું અને આગને વધુ ફેલાતી અટકાવવા માટે ભારે જહેમત ઉઠાવી હતી.

સતત પાણીનો મારો ચલાવીને આગ પર કાબૂ મેળવવાના પ્રયાસો હાથ ધરવામાં આવ્યા હતા. હાઈવે પર આવેલું ગોડાઉન હોવાથી મોટી દુર્ઘટના સર્જાઈ શકે તેમ હતી, પરંતુ તંત્રની સમયસરની દરમિયાનગીરીને કારણે મોટું નુકસાન થતું ટળી ગયું હતુ.

વહેલી સવારે ગોડાઉનમાં આગ લાગી હતી

શોર્ટ સર્કિટ કે અન્ય કોઈ કારણસર આગ લાગી હોઈ શકે છે, જેની તપાસ બાદ જ સ્પષ્ટ થશે. સદનસીબે આ આગમાં કોઈ જાનહાનિના સમાચાર નથી, પરંતુ ગોડાઉનમાં રહેલો નાસ્તાનો જથ્થો અને અન્ય ચીજવસ્તુઓ આગમાં બળીને ખાખ થઈ ગયો હતો.

આ ઘટનાને પગલે હાઈવે પર પણ ટ્રાફિક અને લોકટોળા જમા થઈ ગયા હતા. હાલ તો આગ પર સંપૂર્ણ કાબૂ મેળવી લેવામાં આવ્યો છે અને કુલિંગની પ્રક્રિયા ચાલી રહી છે.

આ પણ વાંચો : Surat : ખાડીના પાણીએ મચાવ્યું મોતનું તાંડવ, 47 વિસ્તારો હજુ પણ જળ મગ્ન, ટેકસટાઇલ માર્કેટમાં વેપારીઓને અંદાજિત 800 કરોડથી વધુનું નુકસાન થયું હોવાની આશંકા