Bharuch : કોન્ટ્રાકટર જોડે મોટો સાયબર ફ્રોડ, રૂ.1.09 કરોડ ગુમાવ્યા
- ઓનલાઈન ચીજવસ્તુઓ વેચાણ કરી વધુ નફો કરાવવાની લાલચ આપી ઠગાઇ
- ફરીયાદી પાસેથી 10 એકાઉન્ટમાંથી કુલ રૂપિયા 1.09 કરોડ પડાવી છેતરપીંડી
- આખરે મામલો પોલીસ મથક પહોંચતા તપાસનો ધમધમાટ શરૂ
Bharuch : ભરૂચ જિલ્લામાં નર્મદા કન્ટ્રકશનના કોન્ટ્રાકટ તરીકે કામ કરતાં ફરીયાદીને સાયબર ફ્રોડોએ ઓનલાઈન (Bharuch Contractor - Cyber Fraud) વેચાણ મુદે વધુ નફો કમાવવાની લાલચ આપી અજાણ્યા ઈસમોએ વિવિધ 10 એકાઉન્ટમાંથી રૂા. 1.09 પડાવી લેતાં આખરે સાયબર ક્રાઈમ પોલીસ મથકમાં (Cyber Crime Police Station - Bharuch) ભોગ બનનારે ફરીયાદ નોંધાવી છે. જે બાદ આરોપીઓ વિરૂદ્ધ તપાસનો ધમધમાટ શરૂ કરવામાં આવ્યો છે.
ઓનલાઈન સ્ટોરની લીંક મોકલવામાં આવી
ભરૂચનાં સાયબર ક્રાઈમ પોલીસ મથકમાં (Cyber Crime Police Station - Bharuch) ફરીયાદી આનંદ શર્મા (રહે. એકસ ૧પ૭, સાંઈનાથ સોસાયટી, પ૦૦ કવાર્ટસ નજીક, જીઆઈડીસા અંકલેશ્વર)નાં રહીશ અને કન્ટ્રકશનના કોન્ટ્રાકટર તરીકે કામ કરનાર છેતરપીડીનો ભોગ બનતા પોલીસ ફરીયાદ નોંધાવી છે. જેમાં તેઓએ આક્ષેપ કર્યા છે કે, ફરીયાદીને ટ્રેડ યુઝર ગુરનીત રંધાવા કે જેનું ટ્રેડ આઈડી અને અન્ય પ્રોફાઈલ લીંક તથા ટેલીગ્રામ એકાઉન્ટ ડીસ્પ્લે નેમ ગુરનીત રંધાવા છે, તેના વોટસએપ નંબર પરથી અજાણ્યા વ્યકિત દ્વારા ફરીયાદીના ટેલીગ્રામ યુઝર નેમ પર ઓનલાઈન સ્ટોર નામની લીંક મોકલવામાં આવી હતી. બાદમાં સોશ્યલ મીડીયાના પ્લેટફોર્મ ઉપર ફરીયાદીનો આધાર કાર્ડ મેળવી ઓનલાઈન એકાઉન્ટ ખોલાવવામાં આવ્યા હતા.
2 UPI ID, અને 10 બેંક એકાઉન્ટનો ઉપયોગ
વધુમાં ફરિયાદ અનુસાર, તેમાં અલગ અલગ જીવન જરૂરીયાતની ચીજવસ્તુઓ ઓનલાઈન વેચાણ કરીને વધુ નફો કમાવવાની લાલચ આપવામાં આવી હતી. અજાણ્યા સાયબર ફ્રોડોએ પોતાની અસલ ઓળખ છુપાવી ફરીયાદી પાસેથી અલગ અલગ સમયે કુલ ર યુપીઆઈ આઈ.ડી. તથા અલગ અલગ ૧૦ બેંક એકાઉન્ટમાં રૂપિયા 1.10 કરોડ જમા કરાવી તથા પ્રથમ રૂપિયા 4930 તથા રૂા. 35 હજાર મળી કુલ 39,930 મળી ફરીયાદીને પરત કરી રૂ. 1.09 કરોડની છેતરપીંડી કરી છે.
તપાસનો ધમધમાટ શરૂ કરવામાં આવ્યો
ફરિયાદી અજાણ્યા સાયબર ફ્રોડોએ મોટી રકમ પડાવતા ફરીયાદી સાયબર ફ્રોડનો ભોગ બન્યા હોવાનો અનુભવતા થતાં તાબરતોબ સાયબર ક્રાઈમ પોલીસ મથકમાં પહોંચ્યા હતા. અને અજાણ્યા સાયબર ફ્રોડ ભેજાબાજો સામે ફરીયાદ નોંધાવતા, પોલીસે ગુનો દાખલ કરી તપાસનો ધમધમાટ શરૂ કરી દીધો છે.
(અહેવાલ - દિનેશ મકવાણા)
આ પણ વાંચો ------ Bhavnagar : કમોસમી વરસાદ-માવઠાએ ડુંગળીના ખેડૂતોને પાયમાલ કર્યા