Bhavnagar : રરંધોળા ડેમમાં કરોડોનો ભ્રષ્ટાચાર? રીનોવેશનના ગણતરીના દિવસોમાં જ ઓટોમેટિક દરવાજા થયા નિષ્ફળ!

જ્યારે ડેમ 100 ટકા ભરાઈ ગયો હતો, ત્યારે પાણીનો ધોધ તો શરૂ થઈ ગયો પરંતુ ઓટોમેટિક દરવાજા જે રીતે ખુલવા જોઈતા હતા તે રીતે ન ખુલતા આસપાસના વિસ્તારોમાં ભયનો માહોલ સર્જાયો હતો.

મોટી હોનારત ટળી

સદનસીબે, કોઈ મોટી દુર્ઘટના સર્જાઈ નથી, પરંતુ આ ઘટનાએ સિંચાઈ વિભાગની પોલ ખોલી નાખી છે. કરોડો રૂપિયાના રીનોવેશન કામમાં શું ખરેખર ગુણવત્તાયુક્ત કામ થયું હતું? કે પછી આ માત્ર કાગળ પરનું કામ હતું? તે એક તપાસનો વિષય છે. સ્થાનિક લોકો અને ખેડૂતો હવે તંત્ર સામે આકરા પાણીએ છે. જો દરવાજા સમયસર ન ખુલે તો નીચાણવાળા ગામડાઓમાં પૂરની સ્થિતિ સર્જાઈ શકે છે, જેનાથી જાન-માલનું ભારે નુકસાન થઈ શકે તેમ છે.

સિંચાઈ વિભાગની ઘોર બેદરકારી

ઘટનાની ગંભીરતાને જોતા હાલ તંત્ર દ્વારા તાત્કાલિક ધોરણે દરવાજાના રિપેરિંગની કામગીરી હાથ ધરવામાં આવી છે. પરંતુ પ્રશ્ન એ છે કે શું આ કામગીરી કાયમી ઉકેલ છે? સિંચાઈ વિભાગે આ સમગ્ર પ્રકરણની ઉચ્ચસ્તરીય તપાસ કરાવી જવાબદાર અધિકારીઓ અને કોન્ટ્રાક્ટર સામે કડક કાર્યવાહી કરવી જોઈએ.

માત્ર રિપેરિંગથી કામ નહીં ચાલે, પરંતુ જે કરોડોનો ખર્ચ થયો છે તેનું ઓડિટ થવું પણ અત્યંત જરૂરી છે. ભવિષ્યમાં આવી બેદરકારી ન થાય અને જનતાની સુરક્ષા જોખમાય નહીં તે માટે સરકાર દ્વારા સખત પગલાં લેવામાં આવે તેવી પ્રબળ માંગ ઉઠી છે.

આ પણ વાંચો : Junagadh News: ગિરનાર યાત્રિકો માટે મોટા સમાચાર, સિંહના હુમલા બાદ તંત્ર એલર્ટ, અનિશ્ચિતકાળ માટે સીડીઓ પર અવરજવર બંધ

 

View this post on Instagram

 

A post shared by Gujarat First (@gujaratfirst)