1. Ayodhya માં 30 ઓક્ટોબરે રોશનીના ભવ્ય ઉત્સવનું આયોજન
2. રોશનીના આ પર્વ પહેલા સુરક્ષા વ્યવસ્થા સઘન બનાવવામાં આવી
3. સરયૂ નદી પર રામ કી પૈડી તરફ જતા 17 રસ્તાઓ બંધ કરી દીધા

અયોધ્યા (Ayodhya)માં શહેરમાં 30 ઓક્ટોબરે સરયૂના કિનારે રોશનીનો ભવ્ય ઉત્સવ યોજવામાં આવનાર છે. રોશનીના આ પર્વ પહેલા સુરક્ષા વ્યવસ્થા સઘન બનાવવા માટે સતત કામગીરી ચાલી રહી છે. તમામ સુરક્ષા એજન્સીઓને એલર્ટ પર રાખવામાં આવી છે. દરમિયાન પોલીસે સરયૂ નદી પર રામ કી પૈડી તરફ જતા 17 રસ્તાઓ બંધ કરી દીધા છે. આ સિવાય પોલીસે રામ કી પૌડી અને રામ પથ સાથે જોડાયેલ તમામ કોલોનીઓમાં રહેતા લોકોના નામની યાદી તૈયાર કરી છે.

માત્ર પાસ ધારકોને જ પ્રવેશ મળશે...

માહિતી આપતાં અયોધ્યા (Ayodhya) પોલીસ સ્ટેશનના ઈન્સ્પેક્ટર મનોજ કુમાર શર્માએ જણાવ્યું કે રામ કી પૌડી સાથે જોડાયેલા 17 રસ્તાઓ હાલમાં બંધ કરી દેવામાં આવ્યા છે. સુરક્ષાના કારણોસર આ રસ્તાઓ બંધ કરવામાં આવ્યા છે. દીપોત્સવ સુધી ફક્ત તે જ લોકો અહીંથી પસાર થઈ શકશે જેમની પાસે આવું કરવાની પરવાનગી હશે. આ માર્ગો પરથી માત્ર પાસ ધારકોને જ પસાર થવા દેવામાં આવશે. તેમણે કહ્યું કે, રામ કી પૌડી તરફ જતા તમામ રસ્તાઓ પર બેરિકેડ લગાવવામાં આવ્યા છે. તેમણે કહ્યું કે ઘાટ પર તૈનાત સ્વયંસેવકો, દીપોત્સવ કાર્યક્રમ સાથે સંકળાયેલા અધિકારીઓ અને પાસ ધારકોને જ આ માર્ગો પર પ્રવેશ મળશે.

આ પણ વાંચો : Maharashtra : BJP એ ત્રીજી યાદી જાહેર કરી, જાણો 25 ઉમેદવારોના નામમાં કોણ-કોણ સામેલ?

એક સબ ઇન્સ્પેક્ટર અને ચાર કોન્સ્ટેબલ તૈનાત...

અયોધ્યા (Ayodhya) પોલીસ સ્ટેશનના ઈન્સ્પેક્ટર મનોજ કુમાર શર્માએ વધુમાં જણાવ્યું કે રામ કી પૌડીની સુરક્ષાને ધ્યાનમાં રાખીને તમામ 17 લિંક રોડ પર એક સબ ઈન્સ્પેક્ટર અને ચાર કોન્સ્ટેબલ તૈનાત કરવામાં આવ્યા છે. આ ઉપરાંત રામ કી પૌડીની બાજુના વિસ્તારોમાં રહેતા લોકોને ખાસ વિનંતી કરવામાં આવી છે કે તેઓ દીપોત્સવના દિવસે પ્રતિબંધિત શેરીઓમાંથી પસાર ન થાય અથવા તેમના ઘરની છત પર ન જાય. આ માટે વિસ્તારની તમામ ઊંચી ઈમારતો પર સુરક્ષાકર્મીઓ તૈનાત કરવામાં આવશે.

આ પણ વાંચો : J&K : અખનૂરમાં આતંકી હુમલા બાદ સેનાની મોટી કાર્યવાહી, એનકાઉન્ટરમાં 3 આતંકવાદીઓ ઠાર

28 લાખ દીવા પ્રગટાવવામાં આવશે...

જણાવી દઈએ કે, 30 ઓક્ટોબરે છોટી દિવાળીના અવસર પર રામ કી પૌડી અને અન્ય ઘાટો પર 28 લાખ દીવા પ્રગટાવીને નવો વર્લ્ડ રેકોર્ડ બનાવવાની તૈયારીઓ કરવામાં આવી રહી છે. રોશનીના પર્વને લઈને ઘાટ ઈન્ચાર્જ અને સંયોજક નિયમિત રીતે ઘાટ પર વ્યવસ્થિત રીતે દીવા લગાવી રહ્યા છે. આ સિવાય તેઓ સ્વયંસેવકોને માર્ગદર્શન આપી રહ્યા છે. CM યોગી આદિત્યનાથના શાસનમાં અયોધ્યા (Ayodhya)માં આ આઠમો દીપોત્સવ કાર્યક્રમ હશે.

આ પણ વાંચો : PMINDIA : સંરક્ષણ ક્ષેત્રમાં ભારતની હરણફાળ