Air india plane crash ને લઈને આવ્યા મોટા સમાચાર,ફાયર વિભાગને મળી આવ્યું GPS ટ્રેકર

ફાયર વિભાગની ટીમને GPS ટ્રેકનો ભાગ શોધવામાં સફળતા મળી

અમદાવાદમાં પ્લેન ક્રેશ થયા બાદ કાટમાળ હટાવવામા આવી રહ્યો છે. આ દરમિયાન પ્લેનનું GPS ટ્રેક શોધવા માટે તંત્ર કામે લાગ્યું હતું. અમદાવાદ મહાનગર પાલિકાની ફાયર વિભાગની ટીમને GPS ટ્રેક શોધવામાં સફળતા મળી છે. AMCની ફાયર ટીમ દ્વારા આ GPS ટ્રેકના ભાગને DGCA અને AAIBની ટીમને સોંપવામાં આવશે. GPS ટ્રેક પરથી વિમાન કેમ ક્રેશ થયું તેનું કારણ જાણી શકાશે.

આ પણ  વાંચો -Ahmedabad Plane Crash: પીડિતોની યાદમાં ગૂગલે હોમપેજ પર લગાવી કાળી રિબિન

FSL અને AAI સહિતની ટીમો તપાસ કરી રહી છે

અમદાવાદમાં પ્લેન ક્રેશ થયા બાદ તપાસનો ધમધમાટ શરૂ થયો છે. FSL અને AAI સહિતની ટીમો તપાસ કરી રહી છે. આ ઉપરાંત ડોક્ટર હોસ્ટેલમાં પણ ડોગ સ્ક્વોડ દ્વારા તપાસ શરૂ કરાઈ છે. દુર્ઘટનાગ્રસ્ત વિમાનના પાર્ટસ તપાસ માટે કબ્જે લેવાયા છે. બીજી તરફ કેન્દ્રીય એજન્સીઓ પણ તપાસમાં જોડાઈ છે. NIAની ટીમ પણ તપાસમાં જોડાઈ ગઈ છે.