Amreli : પાયલ ગોટી કેસમાં મોટા સમાચાર, પોલીસનો પુરાવાના અભાવે કર્યો સી-સમરી રિપોર્ટ

ઉલ્લેખનિય છે કે, અમરેલી જિલ્લામાં ભારતીય જનતા પાર્ટીના બે નેતાઓ વચ્ચે થયેલા વિખવાદ અને વિવાદ બાદ થયેલી પોલીસ ફરિયાદમાં એક પાટીદાર યુવતીને આરોપી બનાવીને પછી કથિતપણે તેમનું જાહેરમાં સરઘસ કાઢવાનો મામલો સમગ્ર રાજ્યમાં ચર્ચાસ્પદ બન્યો હતો. ઘટના બની તે સમયે અગાઉ અમરેલી જિલ્લાના જિલ્લા પોલીસ વડા સંજય ખરાતે કહ્યું હતું, "આખી પ્રક્રિયા કાયદાની મર્યાદામાં રહીને કરવામાં આવી છે. એવું કંઈ નહોતું કે જે અમે કોર્ટના ઑર્ડર વિરુદ્ધ કર્યું હોય. આ આખી ઘટનાને કોઈ બીજું જ સ્વરૂપ આપી દેવાયું છે."

આ પણ વાંચો- Journalist Gujarat : સ્પા સેન્ટરમાંથી બહાર નીકળેલા પત્રકારનું અપહરણ, કોઈ પોલીસ ચોપડે ચઢ્યા તો કોઈ ભોગ બન્યા

તો હવે તેમની પોલીસને જ સી-સમરી રિપોર્ટ આપીને પાયલ ગોટીને ક્લિન ચીટ આપવી પડી છે. જણાવી દઈએ કે, આ કેસની શરૂઆત ડિસેમ્બર 2024માં થઈ હતી, જ્યારે અમરેલી તાલુકા પંચાયત પ્રમુખ કિશોર કાનપરીયાના નામે એક નકલી પત્રિકા સોશિયલ મીડિયા પર વાયરલ થઈ હતી. આ પત્રમાં ભાજપના અમરેલી ધારાસભ્ય કૌશિક વેકરીયા પર ભ્રષ્ટાચાર, મદ્યપાન અને અન્ય આરોપો લગાવાયા હતા. કાનપરીયાએ પોલીસમાં ફરિયાદ કરી, જેના કારણે લોકલ ક્રાઇમ બ્રાન્ચ (એલસીબી) અને સાયબર સેલે તપાસ શરૂ કરી હતી. તપાસમાં મનીષ વઘાસીયા (ભાજપના પૂર્વ યુવા પ્રમુખ), અશોક માંગરોળીયા (જશવંતગઢ સરપંચ) અને જીતુ ખાત્રાણી સામે પુરાવા મળ્યા જેમણે પત્રિકા તૈયાર કરી અને વાયરલ કરી હોવાનું જણાયું છે. પાયલ ગોટી, જે મનીષ વઘાસીયાની ઓફિસમાં ટાઇપિસ્ટ તરીકે કામ કરતી હતી, તેને પણ આરોપી બનાવવામાં આવી હતી, પરંતુ તપાસમાં તેમની સામે કોઈ સીધો પુરાવો મળ્યો નથી.

અમરેલીના પાયલ ગોટી કેસમાં સૌથી મોટા સમાચાર
અમરેલી પાયલ ગોટી કેસમાં પોલીસે સી-સમરીનો રિપોર્ટ કર્યો
અમરેલીની જ્યુડિશિયલ કોર્ટને સી-સમરીનો રિપોર્ટ કર્યો
પાયલ ગોટી વિરુદ્ધ પુરાવાના અભાવે સી-સમરીનો રિપોર્ટ
પાયલ ગોટી સાથે અન્ય ત્રણ આરોપી સામે કલમ 338 મુજબ ગુનો #Gujarat #Amreli… pic.twitter.com/UvRA83tcuW

— Gujarat First (@GujaratFirst) October 16, 2025

પાયલની ધરપકડ 28 ડિસેમ્બર 2024ના રોજ રાત્રે 12:15 વાગ્યે કરવામાં આવી હતી, જેના કારણે મોટો વિવાદ થયો હતો. કાયદા મુજબ મહિલાઓની ધરપકડ સૂર્યાસ્ત પછી કરી શકાય નહીં. તે ઉપરાંત પાયલે પોલીસ પર મારપીટ, ત્રાસ અને સરઘાસ કાઢવાના આક્ષેપો કર્યા હતા. આ મામલે માનવ અધિકાર આયોગે અમરેલીના એસપીને નોટિસ જારી કરી હતી. તે પછી સીઆઈડીએ સ્પેશિયલ ઈન્વેસ્ટિગેશન ટીમ (એસઆઈટી) રચી અને ત્રણ પોલીસ અધિકારીઓ પર નિલંબિત કરવામાં આવ્યા હતા.

પાયલને 3 જાન્યુઆરી 2025ના રોજ જામીન મળ્યા અને તેઓ જેલમુક્ત થયા પરંતુ ત્યારબાદ પણ તપાસ ચાલુ રહી હતી. મે 2025માં તેમને સાયબર ક્રાઇમ પોલીસે પૂછપરછ માટે બોલાવ્યા જેમાં તેમને સાક્ષી તરીકે રજૂ કરવાની ચર્ચા થઈ હતી. કોંગ્રેસ નેતા પરેશ ધાનાણીએ પાયલને ન્યાય અપાવવા માટે અમરેલીમાં બંધનું આયોજન કર્યું હતું, જેમાં પાટીદાર સમાજના લોકોએ સમર્થન આપ્યું હતું. ફોરેન્સિક લેબ (એફએસએલ)ની રિપોર્ટમાં પત્રિકા નકલી હોવાનું કન્ફર્મ થયું હતું, પરંતુ પાયલની ભાગીદારી સાબિત થઈ નથી.

આ નિર્ણયથી પાયલ અને તેમના પરિવારને રાહત મળી છે, જેમણે પોલીસ પર રાજકીય દબાણ હેઠળ કેસ કરાયો હોવાના આક્ષેપો કર્યા હતા. અન્ય ત્રણ આરોપીઓ વિરુદ્ધ આઈપીસીની કલમો 420 (ધોખાધડી), 465 (જાળવણી), 471 (જાળવણીનો ઉપયોગ) તેમજ આઈટી એક્ટ હેઠળ કાર્યવાહી ચાલુ રહેશે. કોર્ટ આ રિપોર્ટ પર આગામી સુનાવણી કરશે. જો કોઈ વાંધો ન હોય તો કેસ સી-સમરી રિપોર્ટને માન્ય રાખી શકે છે.

આ પણ વાંચો- Valsad જિલ્લામાં કમોસમી વરસાદ સાથે વાવાઝોડું, વૃક્ષો ધરાશાઈ-પાકને નુકસાનની ભીતિ