Farmer Relief : સરકારના નવા આદેશથી ખેડૂતોને મોટી રાહત ; ગામને એકમ ગણીને પંચનામું- BJP MLA મહેશ કસવાળાએ આવકાર્યો

• Farmer Relief : કમોસમી માવઠાથી પીડિત ખેડૂતો માટે સરકારનો મોટો નિર્ણય - મહેશભાઈ કસવાળાએ આવકાર્યો
• સૌરાષ્ટ્રમાં 100% પાક નિષ્ફળ : CMના સર્વે આદેશમાં સુધારો, ગામને એકમ ગણીને વળતર - ભાજપ ધારાસભ્ય કસવાળાની પ્રશંસા
• ખેડૂતોને રાહત : કમોસમી વરસાદના નુકસાન પર ગામભર પંચનામું, કાલે સુપ્રત - મહેશ કસવાળા

અમરેલી/ Farmer Relief : કમોસમી વરસાદ અને માવઠાના કારણે સૌરાષ્ટ્ર અને અમરેલી જિલ્લામાં ખેડૂતોને પારાવાર નુકસાન થયું છે, જ્યાં કપાસ, મગફળી અને ડુંગળી જેવા પાકો 100 ટકા નિષ્ફળ થઈ ગયા છે. આવી સ્થિતિમાં રાજ્ય સરકારે ખેડૂતો માટે મહત્વપૂર્ણ નિર્ણય લીધો છે, જેને ભાજપના પ્રવક્તા અને સાવરકુંડલા ધારાસભ્ય મહેશભાઈ કસવાળાએ હાર્દિક આવકાર આપ્યો છે. તેમણે જણાવ્યું કે આ નિર્ણયથી ખેડૂતોને તાત્કાલિક વળતર મળશે અને તેઓ નવી વાવણી તરફ ઝડપથી આગળ વધી શકશે.

મહેશભાઈ કસવાળાએ જણાવ્યું કે કમોસમી વરસાદથી ખાસ કરીને સૌરાષ્ટ્ર અને અમરેલીમાં વ્યાપક નુકસાન થયું છે. તેમણે જણાવ્યું કે, "કપાસ, મગફળી કે ડુંગળી હોય પણ ખેડૂતના હાથમાં કઈ આવી શકે તેવી સ્થિતિ નથી અને ખેડૂતો દુઃખી પણ છે. " આવા સમયે જનપ્રતિનિધિઓ અને ધારાસભ્યોની રજૂઆતો મુખ્યમંત્રીને પહોંચી હતી, જેના પગલાંમાં તાત્કાલિક સર્વેનો આદેશ આપવામાં આવ્યો હતો. આજે આ આદેશમાં મહત્વપૂર્ણ સુધારો કરીને ગામને એકમ તરીકે લઈને પંચનામું કરવાનું કહેવામાં આવ્યું છે, જેનાથી વ્યવહારુ મુશ્કેલીઓ દૂર થશે.

માવઠાને કારણે ખેડૂતોને નુકસાનને લઈને એક્શનમાં સરકાર
CM ભૂપેન્દ્રભાઈ પટેલે યોજી ઉચ્ચ સ્તરીય બેઠક
હર્ષભાઈ સંઘવી અને જીતુભાઈ વાઘાણી જોડાયા વર્ચ્યુઅલી
રાજ્યમાં કમોસમી વરસાદથી નુકસાનની CMએ મેળવી માહિતી
CMએ મંત્રીઓને પ્રભારી જિલ્લાઓ ફાળવવામાં આવ્યા
મંત્રીઓને જિલ્લાઓ સોંપવામાં આવ્યા… pic.twitter.com/1r43W5bpWW

— Gujarat First (@GujaratFirst) November 1, 2025

કસવાળાએ વધુમાં જણાવ્યું કે હાલ પણ વરસાદ ચાલુ છે, તેથી ખેતરે-ખેતરે જઈને સર્વે કરવો મુશ્કેલ છે. "જ્યારે સાર્વત્રિક નુકસાન છે ત્યારે આખા ગામને આવરી લઈને પંચનામું કરવું એ ખૂબ જ વ્યવહારુ છે. ગામને એકત્રિત કરીને કાલે બપોર સુધીમાં કલેક્ટરને સુપ્રત કરવાનું છે, જે પછી રાજ્ય સરકારને મોકલાશે. આ નિર્ણયથી ખેડૂતો અને સરપંચોને મોટી રાહત મળી છે," તેમ તેમણે કહ્યું. આ પગલાંથી સર્વે પૂર્ણ થશે અને વળતરની પ્રક્રિયા ઝડપી બનશે.

આ નિર્ણયને કારણે ખેડૂતો પોતાના ખેતરોમાંથી નુકસાનને બહાર કાઢીને શિયાળુ પાકની વાવણીમાં ઝડપ લાવી શકશે. મહેશ કસવાળાએ મુખ્યમંત્રીની આ ઈચ્છાશક્તિની પ્રશંસા કરી અને કહ્યું, "સરકારે જે પ્રકારની ઈચ્છા શક્તિ દર્શાવી છે કે ખેડૂતોને વળતર આપી શકીએ તે માર્ગ મોકળો થયો છે. આ નિર્ણયને હું અને મારા સાથીઓ હાર્દિક આવકાર આપીએ છીએ."

મુખ્યમંત્રી શ્રી ભૂપેન્દ્રભાઈ પટેલે તાજેતરમાં રાજ્યમાં થયેલા કમોસમી વરસાદ અને વાતાવરણમાં આવેલા પલટાને કારણે ખેતી પાકોને થયેલા નુકશાનના સંદર્ભમાં ગાંધીનગર ખાતે એક ઉચ્ચસ્તરિય બેઠક યોજીને રાજ્યના જુદા-જુદા જિલ્લાઓમાં ખેતી પાકોને થયેલા નુકશાનના સર્વે સહિતની બાબતોને પ્રાથમિકતા આપવા… pic.twitter.com/6EIKxTFGBu

— CMO Gujarat (@CMOGuj) November 1, 2025

ભૂપેન્દ્ર પટેલની ગુજરાત સરકારે લીધેલા નવા નિર્ણયથી સૌરાષ્ટ્રના ખેડૂત વર્ગમાં આશાનો વાતાવરણ ઉભો કરી રહી છે, જ્યાં વારંવારના કુદરતી આફતોને કારણે તેઓ મુશ્કેલીઓનો સામનો કરી રહ્યા છે. સરકારના આ પગલાંથી વળતરની રકમ ઝડપી મળશે અપેક્ષા વધી રહી છે. ધારાસભ્ય કસવાળાએ પણ સરકારના નિર્ણયને આવકારીને પ્રશંસા કરી છે. તો ખેડૂતોને ડિજિટલ સર્વે સામેનો વિરોધની સમસ્યાનો પણ અંત આવ્યો છે.

આ પણ વાંચો- CM Bhupendra Patel Orders : ત્રણ દિવસમાં ખેડૂતોની નુકશાનીનો રિપોર્ટ સબમીટ કરો