ગુજરાતી રંગભૂમિને સૌથી મોટી ખોટ : દિગ્ગજ અભિનેતા-દિગ્દર્શક રાજુ બારોટનું હૃદયરોગના હુમલાથી અકાળે નિધન

ગુજરાતી રંગભૂમિના બેતાજ બાદશાહ

રાજુ બારોટ અમદાવાદના જાણીતા નાટ્યકર્મી તરીકે ઓળખાતા હતા. તેઓએ અનેક પ્રખ્યાત નાટકોમાં અભિનેતા અને દિગ્દર્શક તરીકે કામ કર્યું છે. તેમના કેટલાક લોકપ્રિય નાટકોમાં 'ચોથી દિવાલ', 'સરી જતી સુંદરી' અને અન્ય અનેક સંસ્કૃત-ગુજરાતી નાટકોનો સમાવેશ થાય છે. તેઓએ અભિનય સાથે સંગીત અને લાઇટ ડિઝાઇનમાં પણ પોતાની કુશળતા દાખવી છે. તેમને સંગીત નાટક અકાદમીનો 'ગૌરવ પુરસ્કાર' અને બી.વી. કરંથ પુરસ્કાર જેવા પ્રતિષ્ઠિત સન્માનથી નવાજવામાં આવ્યા છે.

Raju Barot : ગુજરાતી કલાકાર રાજુ બારોટનું નિધન
દિગ્દર્શક અને ગાયક રાજૂ બારોટનું નિધન
હૃદયરોગના હુમલાથી નિધન
સમગ્ર ગુજરાતી કલા જગતમાં શોકની લહેર ફેલાઈ ગઈ#RajuBarot #GujaratiArtist #GujaratiCinema #GujaratiMusic #RIPRajuBarot #HeartAttack #FilmIndustry #MusicWorld… pic.twitter.com/VMTCRKUMXz

— Gujarat First (@GujaratFirst) January 23, 2026

નાટકોમાં પણ દર્શકોને વેબસિરીઝ જેવો અનુભવ

રાજુ બારોટે ગુજરાતી થિયેટરને નવી ઊંચાઈઓ આપી છે. તેઓએ ઓનલાઈન નાટકોના યુગમાં પણ દર્શકોને વેબસિરીઝ જેવો અનુભવ આપવાની વાત કરી હતી. તેમના અભિનયમાં હાસ્ય, ભાવનાત્મકતા અને ઊંડાણ હતું, જેના કારણે તેઓ દર્શકોના પ્રિય બન્યા. તેઓએ અદિતિ દેસાઈ, હસમુખ બારાડી જેવા દિગ્ગજો સાથે કામ કરીને ગુજરાતી રંગભૂમિને સમૃદ્ધ બનાવી છે.

આ નિધનથી ગુજરાતી કલાજગતમાં ખાલીપો પડી ગયો છે. અનેક કલાકારો અને ચાહકો તેમને યાદ કરીને શ્રદ્ધાંજલિ આપી રહ્યા છે. ગુજરાતી રંગભૂમિને આ ખોટ પુરી થાય તેમ નથી. તેમનું યોગદાન હંમેશા અમર રહેશે.

આ પણ વાંચો- Dahod : SIR દબાણમાં BLOએ ગળેફાંસો ખાધો, 56 વર્ષીય શિક્ષકનું મોત